Cyfleoedd Cyffrous i Gymrodyr

Y Cyngor yw ein bwrdd ymddiriedolwyr, ac mae’n gyfrifol yn gyffredinol am drefniadau llywodraethu, strategaeth, gweithgareddau a chyllid y Gymdeithas. Yn ogystal â hynny, gall yr aelodau gynrychioli’r Cyngor ar grwpiau amrywiol, gan gynnwys Pwyllgor y Gymrodoriaeth, y Grŵp Cynghori ar Ddatblygu Ymchwilwyr, y Grŵp Cynghori ar Bolisi, Gweithgor y Gymraeg, a’r Gweithgor Tegwch, Amrywiaeth a Chynhwysiant. Gellir gweld aelodau cyfredol y Cyngor yma. Gellir gweld y blaengynllun busnes yma. 

Yn arbennig, mae’r Cyngor yn croesawu ceisiadau gan y Cymrodorion canlynol:

• Cymrodorion DMCP
• Cymrodorion a fydd yn eirioli dros ddefnydd o’r iaith Gymraeg
• Cymrodorion gyda phrofiad o gefnogi Datblygiad Ymchwilwyr
• Cymrodorion gyda phrofiad ym maes Cydraddoldeb, Amrywiaeth a Chynhwysiant, neu’r rheiny â phrofiad perthnasol
• Cymrodorion gyda chefndir mewn cefnogi sefydliadau elusennol, yn enwedig ym maes llywodraethu, cyllid a strategaethau codi arian

Eich ymrwymiad: Pedwar i bum cyfarfod hybrid y flwyddyn (Ionawr, Mawrth, Gorffennaf a Thachwedd) yn swyddfeydd Cymdeithas Ddysgedig Cymru yng Nghaerdydd a thros Teams/Zoom. Disgwylir na fydd yr un cyfarfod dros ddwy awr o hyd. Yn ogystal â’r cyfarfodydd eu hunain, y prif ymrwymiad o ran amser i’r aelodau fydd darllen papurau pob cyfarfod, er y bydd llu o gyfleoedd i wneud mwy na hynny os dymunwch, drwy fod yn gynrychiolydd o’r Cyngor ar Bwyllgorau, ac mewn cyfarfodydd a digwyddiadau mewnol ac allanol eraill.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Mae un aelod cyfredol o’r Cyngor yn gymwys i’w ail-ethol ac wedi dweud ei fod yn barod i ymgeisio eto: Yr Athro Iwan Rhys Morus. Mae’r Athro Morus wedi mynychu 10 allan o 14 cyfarfod.

Proses ymgeisio: I ymgeisio am swyddi’r Cyngor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk.

Os ydym wedi derbyn digon o geisiadau dilys fel bod angen cynnal etholiad, byddwn yn anfon papurau pleidleisio at y Cymrodyr yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror 2025. Bydd holl Gymrodyr y Gymdeithas yn gymwys i bleidleisio. Bydd y papurau pleidleisio yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae’r Pwyllgor Cyllid yn goruchwylio cronfeydd y Gymdeithas ac yn monitro incwm/gwariant. Mae’n chwarae rhan bwysig wrth ddatblygu cyllidebau’r Gymdeithas, ystyried ei chronfeydd wrth gefn a’i buddsoddiadau ac adolygu ei rheolaeth ariannol er mwyn gwneud argymhellion i’r Cyngor. Gellir gweld rhagor o wybodaeth yma am yr aelodau cyfredol. Gellir gweld y cylch gorchwyl a’r blaengynllun busnes yma. 

Eich ymrwymiad: Tri chyfarfod ar-lein y flwyddyn (Chwefror, Mehefin a Hydref). Cynhelir pob cyfarfod ar Zoom ar hyn o bryd. Ni ddisgwylir i’r un cyfarfod fod yn hwy nag awr a hanner o hyd. Yn ogystal â’r cyfarfodydd eu hunain, y prif ymrwymiad o ran amser i’r aelodau fydd darllen y papurau ar gyfer pob cyfarfod.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Mae dau aelod cyfredol o’r Pwyllgor yn gymwys i’w hailethol ac wedi nodi eu bod yn barod i ailymgeisio.

• Yr Athro Mark Rees. Mae’r Athro Rees wedi mynychu 8 allan o 10 cyfarfod.
• Yr Athro Lisa Collins. Mae’r Athro Collins wedi mynychu 5 allan o 10 cyfarfod.

Nodyn: Ceir swydd wag ychwanegol i aelod a gaiff ei gyf-ethol. Am ragor o wybodaeth, cysylltwch â Dr Haydeé Martínez-Zavala yn   

Y broses ymgeisio: I wneud cais am swyddi Pwyllgor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk. 

Os ydym wedi derbyn digon o geisiadau dilys fel bod angen cynnal etholiad, byddwn yn anfon papurau pleidleisio at y Cymrodyr yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror 2025. Bydd holl Gymrodyr y Gymdeithas yn gymwys i bleidleisio. Bydd y pleidleisiau yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae gan y Pwyllgor Dibenion Cyffredinol gylch gwaith eang a diddorol sy’n cynnwys rhoi cyfeiriad strategol ynghylch gwaith polisi, digwyddiadau, cyhoeddiadau gwobrau (gan gynnwys ein medalau) a chytundebau’r Gymdeithas â rhanddeiliaid pwysig. Gellir gweld rhagor o wybodaeth yma am yr aelodau cyfredol. Gellir gweld y cylch gorchwyl a’r blaengynllun busnes yma. 

Eich ymrwymiad: Tri chyfarfod ar-lein y flwyddyn (Chwefror, Mehefin a Hydref). Cynhelir pob cyfarfod ar Zoom ar hyn o bryd. Ni ddisgwylir i’r un cyfarfod fod yn hwy nag awr a hanner o hyd. Yn ogystal â’r cyfarfodydd eu hunain, y prif ymrwymiad o ran amser i’r aelodau fydd darllen y papurau ar gyfer pob cyfarfod.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Mae dau aelod cyfredol o’r Pwyllgor yn gymwys i’w hailethol ac wedi nodi eu bod yn barod i ailymgeisio: 

• Yr Athro Loredana Polezzi. Mae’r Athro Polezzi wedi mynychu 6 allan o 9 cyfarfod.
• Yr Athro Raluca Radulescu. Mae’r Athro Radulescu wedi mynychu 6 allan o 8 cyfarfod.

Sylwer: Yn ychwanegol at hyn, ceir dwy swydd wag gyfetholedig. Am ragor o wybodaeth, cysylltwch â Dr Haydeé Martínez-Zavala yn clerk@lsw.wales.ac.uk. 

Y broses ymgeisio: I wneud cais am swyddi Pwyllgor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk.

Os ydym wedi derbyn digon o geisiadau dilys fel bod angen cynnal etholiad, byddwn yn anfon papurau pleidleisio at y Cymrodyr yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror 2025. Bydd holl Gymrodyr y Gymdeithas yn gymwys i bleidleisio. Bydd y pleidleisiau yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae’r Pwyllgor Adnoddau Dynol yn hanfodol i sicrhau llesiant a rheolaeth effeithiol ar ein staff. Mae’n goruchwylio strwythur y sefydliad ac yn hyrwyddo gweithle cefnogol a chynhyrchiol, ac mae hynny oll yn hanfodol er llwyddiant y sefydliad. Gellir gweld rhagor o wybodaeth yma am yr aelodau cyfredol. Gellir gweld y cylch gorchwyl a’r blaengynllun busnes yma. 

Eich ymrwymiad: Dau gyfarfod ar-lein y flwyddyn (Mawrth a Medi). Cynhelir pob cyfarfod dros Zoom ar hyn o bryd. Ni ddisgwylir i’r un cyfarfod fod yn hwy nag awr a hanner o hyd. Yn ogystal â’r cyfarfodydd eu hunain, y prif ymrwymiad o ran amser i’r aelodau fydd darllen y papurau ar gyfer pob cyfarfod.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Y broses ymgeisio: Swydd wag gyfetholedig yw hon, felly os hoffech gael eich ystyried gan y Pwyllgor, cysylltwch â Dr Haydeé Martínez-Zavala yn clerk@lsw.wales.ac.uk erbyn dydd Llun 13 Ionawr 2025.

Y Cenhadon, a adwaenid gynt fel Cynrychiolwyr Prifysgol y Gymdeithas Ddysgedig (URLS), yw cynrychiolwyr neu lysgenhadon y Gymdeithas Ddysgedig sydd wedi’u lleoli ym mhob Prifysgol yng Nghymru. Cânt eu hethol i weithio gyda Chymdeithas Ddysgedig Cymru i gefnogi a hyrwyddo’r gymdeithas drwy gysylltiadau a gweithgareddau, a hefyd i gynrychioli’r Gymrodoriaeth ehangach o fewn eu sefydliad. Gellir gweld Proffil o’r Rôl yma.

Eich ymrwymiad: Cynhelir dau gyfarfod i’r holl Genhadon bob blwyddyn. Cynhelir y naill yn nhymor yr hydref (dros Zoom) i’r holl Genhadon gael cyfarfod a thrafod y rôl. Gwahoddir Cenhadon hefyd i un cyfarfod o’r Cyngor bob blwyddyn – yn y gwanwyn fel arfer. Gall y cyfarfod hwnnw naill ai gael ei gynnal yn y cnawd neu dros Zoom. Ni ddisgwylir i’r un cyfarfod fod yn hwy nag awr a hanner o hyd. Yn ogystal â’r cyfarfodydd eu hunain, y prif ymrwymiad i’r aelodau o ran amser yw cysylltu drwy e-bost â thîm Cymdeithas Ddysgedig Cymru – gan helpu i ddosbarthu gwybodaeth allweddol i’r Cymrodyr, amlygu materion sy’n ymwneud yn benodol â’u sefydliad a, lle bo’n briodol, trefnu neu gefnogi digwyddiadau a gweithgareddau i’r Cymrodyr.

Cyfnod y swydd: Tair blynedd, gyda phosibilrwydd o ail gyfnod. Fel arfer, bydd Cymdeithas Ddysgedig Cymru yn ceisio penodi 2 Gymrawd ym mhob sefydliad – y naill o ddisgyblaethau HASS (Pwyllgorau Celfyddydau, Dyniaethau a Gwyddorau Cymdeithasol) a’r llall o ddisgyblaethau STEMM (Pwyllgorau Gwyddoniaeth, Technoleg, Peirianneg, Mathemateg a Meddygaeth).

Swyddi Gwag: 

• Prifysgol Aberystwyth – 2 le (STEMM a HASS) 
• Prifysgol Bangor – 1 lle (STEMM) 
• Prifysgol Metropolitan Caerdydd – 1 lle (STEMM neu HASS) 
• Prifysgol Caerdydd – 2 le (STEMM a HASS) yn ogystal ag un lle ar gyfer Ysgol Feddygaeth Prifysgol Caerdydd.
• Y Brifysgol Agored – 2 le (STEMM a HASS) 
• Prifysgol Abertawe – 1 lle (HASS) 
• Prifysgol De Cymru – 1 lle (STEMM neu HASS) 
• Prifysgol Cymru Y Drindod Dewi Sant – 2 le (STEMM a HASS) 
• Prifysgol Wrecsam – 1 lle (HASS)

Cymhwysedd: Yn agored i holl Gymrodyr Cymdeithas Ddysgedig Cymru sy’n gweithio mewn Prifysgol yng Nghymru 

Mae dau o’n Cenhadon cyfredol yn gymwys i gael eu hail-ethol, ac wedi dweud eu bod yn barod i ailymgeisio:

• Yr Athro David Brooksbank (Prifysgol Metropolitan Caerdydd)
• Dr Louise Bright (Prifysgol De Cymru)

Mae dau Cenhadon presennol yn dal ar ganol eu cyfnod yn eu swydd, a byddant yn parhau â’u gwaith:

• Yr Athro Richard Day (Prifysgol Wrecsam)
• Yr Athro Raluca Radulescu (Prifysgol Bangor)

Y broses ymgeisio: I wneud cais am swyddi Pwyllgor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk.

Mae’r rôl hon yn benodol gysylltiedig â phob Prifysgol yng Nghymru.  Os bydd digon o geisiadau dilys wedi dod i law fel bod angen cynnal etholiad, byddwn yn anfon papurau pleidleisio at Gymrodyr sy’n gysylltiedig â’r Brifysgol berthnasol yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror. Bydd holl Gymrodyr y Gymdeithas sy’n gysylltiedig â’r Brifysgol dan sylw yn gymwys i bleidleisio. Bydd y papurau pleidleisio yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae’r grŵp hwn yn hanfodol i sicrhau cyfeiriad y Gymdeithas yn y dyfodol – gan sicrhau bod Cymdeithas Ddysgedig Cymru yn parhau i fod yn atebol am yr hyn y mae’n cytuno i’w wneud er Tegwch. Mae’r Gweithgor Tegwch, Amrywiaeth a Chynhwysiant yn gyfrifol am oruchwylio gwaith Tegwch Amrywiaeth a Chynhwysiant Cymdeithas Ddysgedig Cymru, gan gefnogi’r Pennaeth Tegwch ac Ymgysylltu, gan roi arweiniad a chefnogaeth ac adrodd i’r Cyngor ar ei waith. Gellir gweld rhagor o wybodaeth yma am yr aelodau cyfredol. Gellir gweld y cylch gorchwyl a’r blaengynllun busnes yma. 

Eich ymrwymiad: Pedwar cyfarfod ar-lein y flwyddyn (bob chwarter). Cynhelir pob cyfarfod ar Zoom ar hyn o bryd. Ni ddisgwylir i’r un cyfarfod fod yn hwy nag awr a hanner o hyd. Yn ogystal â’r cyfarfodydd eu hunain, y prif ymrwymiad amser i aelodau yw darllen y papurau ar gyfer pob cyfarfod.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Y broses ymgeisio:  I wneud cais am swyddi Pwyllgor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk clerk@lsw.wales.ac.uk.

Os ydym wedi derbyn digon o geisiadau dilys fel bod angen cynnal etholiad, byddwn yn anfon papurau pleidleisio at y Cymrodyr yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror 2025. Bydd holl Gymrodyr y Gymdeithas yn gymwys i bleidleisio. Bydd y papurau pleidleisio yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae’r Grŵp Cynghori’n rhoi cyngor ar raglen weithgareddau’r Gymdeithas ar gyfer Datblygu Ymchwilwyr, sy’n cynnwys ein Rhwydwaith Ymchwilwyr Gyrfa Gynnar rhyngddisgyblaethol, ein Cynllun Grant Gweithdai Ymchwil, a chyfleoedd eraill i gefnogi talent ymchwil yng Nghymru.    Yn y cylch newydd hwn, bydd Cymrodyr yn ymuno ag Ymchwilwyr Canol-Gyrfa a Gyrfa Gynnar i roi cyngor strategol ynghylch y rhaglen weithgareddau. Gellir gweld yr aelodau cyfredol yma. Gellir gweld y cylch gorchwyl yma. 

Eich ymrwymiad: Pedwar i bum cyfarfod ar-lein y flwyddyn (Mehefin, Medi, Rhagfyr, Chwefror ac Ebrill). Cynhelir pob cyfarfod dros Zoom/Teams ar hyn o bryd. Ni ddisgwylir i’r un cyfarfod fod yn hwy nag awr a hanner o hyd. Yn ychwanegol at y cyfarfodydd eu hunain, y prif ymrwymiad o ran amser i’r aelodau yw darllen y papurau ar gyfer pob cyfarfod a chynnig sylwadau drwy ohebiaeth lle bo angen.

Cyfnod y swydd: Tair blynedd, gyda phosibilrwydd o ail gyfnod.

Cymhwysedd: Ar agor i holl Gymrodyr Cymdeithas Ddysgedig Cymru.

Mae tri aelod cyfredol o’r Pwyllgor yn gymwys i’w hail-ethol ac wedi dweud eu bod yn barod i ailymgeisio:

• Yr Athro Raluca Radulescu
• Yr Athro Simon Hands
• Yr Athro Andrew Rowley 

Y broses ymgeisio: I wneud cais am swyddi Pwyllgor, llenwch y ffurflen hon a’i dychwelyd erbyn dydd Llun 13 Ionawr 2025 i Dr Haydeé Martínez-Zavala yn clerk@lsw.wales.ac.uk.

Os ydym wedi derbyn digon o geisiadau dilys fel bod angen cynnal etholiad, byddwn yn anfon papurau pleidleisio at y Cymrodyr yn ystod yr wythnos sy’n dechrau ar 27 Ionawr 2025, i’w dychwelyd erbyn dydd Llun 17 Chwefror 2025. Bydd holl Gymrodyr y Gymdeithas yn gymwys i bleidleisio. Bydd y papurau pleidleisio yn cynnwys datganiadau gan yr ymgeiswyr i gefnogi eu cais. Cyhoeddir canlyniadau’r etholiad yn swyddogol yn ein Bwletin Cymrodyr ym mis Mawrth.

Mae Cymdeithas Ddysgedig Cymru yn chwilio am arbenigwr ym maes Hawliau Dynol i’w chynrychioli ar Bwyllgor Hawliau Dynol Academïau’r DU ac Iwerddon (UKIHRC).

Mae Cymdeithas Ddysgedig Cymru yn aelod o Bwyllgor Hawliau Dynol Academïau’r DU ac Iwerddon, ynghyd â’r Gymdeithas Frenhinol, yr Academi Beirianneg Frenhinol, Academi’r Gwyddorau Meddygol, yr Academi Brydeinig, Academi Frenhinol Iwerddon a Chymdeithas Frenhinol Caeredin. Cymdeithas Frenhinol Caeredin sy’n cadeirio’r pwyllgor ar hyn o bryd, ac yn darparu gwasanaeth ysgrifenyddol ar ei gyfer.

Mae’r UKIHRC yn gweithredu i gefnogi rhyddid academaidd ledled y byd drwy rannu gwybodaeth, codi ymwybyddiaeth ac eiriolaeth, yn gyffredinol a hefyd drwy ymateb i rybuddion unigol a gyhoeddir gan Rwydwaith Academïau Hawliau Dynol Rhyngwladol a Chymdeithasau Dysgedig ac Ysgolheigion mewn Perygl, y mae’r naill a’r llall yn nodi achosion lle mae ymchwilwyr ar draws y byd wedi dioddef gormes. Arfer yr UKIHRC yw gweithredu mewn achosion lle ceir tystiolaeth o sathru neu atal hawliau dynol ymchwilydd unigol oherwydd ei waith academaidd neu wyddonol. Ceir hyd i’r Cylch Gorchwyl yma.

Byddwch yn un o ddau gynrychiolydd o gymrodoriaeth Cymdeithas Ddysgedig Cymru ar y pwyllgor, ochr yn ochr ag aelod o staff o’r Gymdeithas (Pennaeth Polisi Cyhoeddus).

Eich ymrwymiad:  

• 1-2 gyfarfod ar-lein ac 1 cyfarfod hybrid y flwyddyn. Ni ddisgwylir i’r un cyfarfod fod yn hwy nag awr a hanner o hyd. Disgwylir i’r aelodau ddarllen y papurau ar gyfer pob cyfarfod. 
• Asesiad ad-hoc o Rybuddion IHRN drwy e-bost. Bydd rhybuddion yn codi ar sail angen: i roi syniad o’u hamlder arferol, dros y chwe mis diwethaf rydym wedi cael pedwar rhybudd o’r fath.

Cyfnod y swydd: Dechrau yn nhymor y gwanwyn 2025 am dair blynedd.

Cymhwysedd: Dylai’r cynrychiolydd arbenigo mewn Hawliau Dynol Rhyngwladol. 

Y broses ymgeisio: Os hoffech gael eich ystyried ar gyfer y cyfle hwn, cysylltwch â Dr Haydeé Martínez-Zavala yn clerk@lsw.wales.ac.uk erbyn dydd Llun 13 Ionawr 2025, 17:00.