Llywydd a Swyddogion

Llywydd

Y Fonesig Elan Closs Stephens CBE FRSA FLSW DBE

Cafodd y Fonesig Elan ei geni yng Ngwynedd. Hi yw un o weision cyhoeddus mwyaf nodedig Cymru, gyda phrofiad helaeth yn y cyfryngau, gwleidyddiaeth ac addysg uwch. Ymhlith ei rolau niferus, mae hi’n Gomisiynydd Etholiadol Cymru ar hyn o bryd, bu’n Gadeirydd Dros Dro i’r BBC rhwng 2023 – 2024, ac mae hi’n Athro Emerita mewn Cyfathrebu a Diwydiannau Creadigol ym Mhrifysgol Aberystwyth, lle mae hi hefyd yn Ddirprwy-Ganghellor.

Is-Lywydd: Dyniaethau, Celfyddydau a Gwyddorau Cymdeithasol

Yr Athro Sara Elin Roberts FRHistS FHEA FLSW

Mae’r Athro Roberts yn ysgolhaig blaenllaw yng nghyfraith a llenyddiaeth Cymru yn yr Oesoedd Canol. Mae ei gwaith ymchwil yn canolbwyntio ar ddiwylliant cyfreithiol Cymru yn yr Oesoedd Canol, yn arbennig Cyfraith Hywel, ac mae wedi ysgrifennu sawl monograff dylanwadol ar Gyfraith Hywel, gan gynnwys The Growth of Law in Medieval Wales (2022), a enillodd Wobr Hywel Dda. Darllen mwy.

Is-Lywydd: Gwyddoniaeth, Technoleg, Peirianneg, Mathemateg a Meddygaeth

Yr Athro Rob Beynon FLSW

Enillodd Rob Beynon ei BSc a’i PhD mewn biocemeg ym Mhrifysgol Caerdydd. Dechreuodd ei yrfa fel darlithydd ym Mhrifysgol Lerpwl yn 1977 ac yn 1993 cafodd ei benodi’n Gadeirydd Biocemeg yn Sefydliad Gwyddoniaeth a Thechnoleg Prifysgol Manceinion.  Cafodd ei benodi olaf yn Gadeirydd Proteomeg, Prifysgol Lerpwl o 1999 hyd 2019.  Ei brif feysydd ymchwil yw meysydd protein cemeg, proteomeg, proteolysis, ac ensymau proteolytig.

Roedd yn arloesi yn y ddealltwriaeth o ddynameg protein yn fyd eang ac ar raddfa proteome ac mewn datblygu dulliau perthnasol mewn anifeiliaid cyfan a systemau cymhleth. Datblygodd strategaeth newydd gyfan ar gyfer meintioliad absoliwt a amlblecswyd mewn proteomeg (QconCAT) sydd wedi eu cymhwyso i feysydd amrywiol o wyddoniaeth protein.

Ei waith ‘mwyaf cyffredin’ yw gwefan sy’n cyfrifo byffer sy’n thermodynamig gywir (www.phbuffers.org) sydd wedi helpu’r gymuned wyddonol ar draws y byd i baratoi dros un filiwn a chwarter litr o fyffer!

Ysgrifennydd Cyffredinol

Yr Athro Faron Moller FBCS FIMA FLSW

Mae Faron Moller yn Athro Cyfrifiadureg ym Mhrifysgol Abertawe o fewn y Grŵp Gwyddoniaeth Cyfrifiadureg Ddamcaniaethol, ac ef yw’r Pennaeth wnaeth sefydlu Grŵp Gwirio Rheilffyrdd Abertawe.

Mae Faron yn Gyfarwyddwr Technocamps hefyd, rhaglen allgymorth ysgolion a chymunedol Cymru gyfan ym Mhrifysgol Abertawe ond gyda chanolfannau ym mhob prifysgol yng Nghymru. Mae hefyd yn Bennaeth y Sefydliad Codio yng Nghymru, sy’n cynrychioli cangen ymgysylltu â busnes Technocamps, ac yn cyd-Arwain y Thema Ymchwil ar Sylfeini Addysgol, Hanesyddol ac Athronyddol Cyfrifiadureg, sy’n cynrychioli cangen ymchwil Technocamps. Darllen mwy.

Trysorydd

Dr Sally Davies FRCP FLSW

Ymgymerodd Dr Sally Davies, Sarah Jane Clyburn, â’i hastudiaethau meddygol ym Mhrifysgol Caergrawnt ac Ysbyty Llundain, Whitechapel. Dechreuodd ei gyrfa yn Llundain a Rhydychen, cyn dychwelyd i Gaerdydd ym 1985. Aeth ymlaen i arbenigo mewn geneteg glinigol, gan ddod yn Feddyg Ymgynghorol yng Ngwasanaeth Geneteg Feddygol Cymru yn ogystal â dod yn Is-ddeon yn yr Ysgol Addysg Feddygol a Deintyddol i Raddedigion ym Mhrifysgol Caerdydd. Roedd Sally yn falch o fod yn Llywydd y Ffederasiwn Menywod Meddygol 2014-2016.