Mewn oes o gamwybodaeth, rydym am ariannu ymchwilwyr a rhai sy’n cynhyrchu gwybodaeth i greu a chyfathrebu cynnwys arloesol, difyr, a dibynadwy er mwyn cyrraedd cynulleidfaoedd yng Nghymru (a thu hwnt). Mae’n rhaid i’r cyd-destun fod yn seiliedig ar waith ymchwil a thystiolaeth ddibynadwy sy’n bodoli eisoes, gan gyfrannu at Gymru iachach, pobl iachach yng Nghymru, a/neu blaned iachach. Bydd ymgeiswyr sydd ar y rhestr fer yn derbyn hyfforddiant arbenigol er mwyn cefnogi gyrfa a datblygu cynnwys, gydag ymgeiswyr llwyddiannus yn ffurfio carfan o leisiau ymddiriedig yng Nghymru.

Gall ymgeiswyr ddewis pa fath o sianel gyfathrebu maent am ei defnyddio, o TikTok i wyliau. Hoffem weld prosiectau wedi’u targedu gyda gweledigaeth glir, cynulleidfa benodol, a phwnc diffiniedig.

Pwy all wneud cais?

Rhai sydd wedi adnabod eu hunain fel bod yn Ymchwilydd/ymchwilwyr neu gynhyrchydd/gynhyrchwyr gwybodaeth sydd wedi’u lleoli yng Nghymru neu sydd wedi’u lleoli mewn sefydliad yng Nghymru. Anogir ceisiadau gan dimau, yn arbennig rhai sy’n cael eu harwain gan grwpiau cymunedol ar lawr gwlad.

Sut i wneud cais

Cyn cyflwyno’ch cais, gwnewch yn siŵr eich bod yn darllen y dogfennau canllaw canlynol yn ofalus:

• Canllawiau i Ymgeiswyr (gan gynnwys meini prawf cymhwysedd)
• Banc Cwestiynau (Rhestr o’r cwestiynau y gofynnir i chi eu hateb wrth lenwi’r ffurflen gais ar-lein)