Mae medalau a gwobrau Cymdeithas Ddysgedig Cymru (CDdC) wedi’u creu i gydnabod cyflawniadau rhagorol ymchwilwyr ac ymarferwyr sy’n gweithio i ddatblygu gwybodaeth a’i heffaith gadarnhaol ar ddyfodol Cymru.   Mae’r medalau a’r gwobrau yn adlewyrchu ystod mor eang â phosibl o ddisgyblaethau a meysydd gwaith, a chawsant eu creu i ddathlu rhagoriaeth ar draws sbectrwm eang.

I gefnogi hyn, wrth greu’r fframwaith fedalau a gwobrau newydd, roeddem wastad yn ystyriol o uchelgeisiau EDI y Gymdeithas.  Mae hyn yn bwysig, oherwydd rydym yn gwybod bod tegwch a’r amrywiaeth a ddaw ohono, yn dod â gwell canlyniadau, yn gwella’r broses o wneud penderfyniadau ac yn annog arloesedd.

Mae’r gwaith hwn yn deillio’n uniongyrchol o Genhadaeth a Nodau Strategol Cymdeithas Ddysgedig Cymru sy’n trafod hyrwyddo cynhwysiant a chynrychioli amrywiaeth ein cenedl.

Yr hyn y byddwn yn ei wneud:

• Rydym wedi cyflwyno i’r broses ffyrdd o sicrhau ein bod yn trin pob enwebiad yn deg. Manylir ar hyn yn y canllawiau ac mae’n cynnwys Aelodau Annibynnol, cwestiwn ar Effaith Gyrfa, hyfforddiant a thryloywder Pwyllgorau Craffu, a chysondeb mewn fframweithiau sgorio.
• Byddwn yn hyrwyddo’r medalau yn ystyriol mewn mannau lle gall cynulleidfaoedd amrywiol eu gweld orau, ac yn sicrhau bod ein negeseuon yn glir ynghylch pwy sy’n cael enwebu ac yn cael eu henwebu.
• Mae ein gwefan yn rhannu’r holl ddogfennaeth sy’n cefnogi’r broses hon ac mae’n hygyrch i bawb. Yn ychwanegol at y rheoliadau llawn, mae dogfennau canllawiau cryno ar gyfer yr enwebwyr a’r ymgeiswyr i’w cefnogi i gyflwyno enwebiadau cryf. 
• Bydd enillwyr pob blwyddyn, a’u cyflawniadau, yn cael eu dathlu a’u rhannu tu hwnt i’r seremoni fedalau.
• Daliwch ati i fonitro a gwrando ar adborth er mwyn parhau i wella’r broses.

Sut allwch chi gefnogi hyn:

Os ydych yn awyddus i enwebu – ystyriwch y rhwydweithiau traddodiadol yr ydych yn rhan ohonynt ac archwilio ffyrdd o ehangu eich chwiliad a mynd ati i chwilio am ymgeiswyr amrywiol.  Cewch enwebu ymgeisydd o unrhyw sefydliad neu ddisgyblaeth – nid oes rhaid iddynt fod yn rhan o’ch rhwydwaith.

Gall amrywiaeth ddigwydd ar sawl ffurf, gan gynnwys, ond heb fod yn gyfyngedig i’r naw nodwedd warchodedig.

Ystyriwch groestoriadedd – y fframwaith sy’n cydnabod sut mae’r rhain ac agweddau eraill o hunaniaeth person yn gorgyffwrdd a chyfuno i greu persbectif unigryw.   Efallai yr hoffech ystyried rhannu sut mae persbectif unigryw eich ymgeisydd wedi cyfrannu at gyflawni’r hyn rydych yn ei ddathlu.

Beth mae hyn yn ei olygu:

Drwy wreiddio ein harferion EDI yn y fframwaith fedalau a gwobrau, byddwn yn gwobrwyo rhagoriaeth yn deg ac yn mynd i’r afael â rhwystrau systemig. 

Byddwn yn sicrhau bod y cyfle i gael eich enwebu neu i ennill medalau a gwobrau yn agored i bawb sy’n gymwys.