Rydym wedi ymrwymo i dryloywder llawn yn ein holl brosesau.  Bydd y dudalen hon yn eich cysylltu â’r holl ganllawiau, dogfennaeth a ffurflenni fydd yn eich helpu i gyflwyno eich enwebiad.

Mae ein holl fedalau a gwobrau yn agored i’r sawl y mae eu gwaith yn cael effaith ar ddatblygu gwybodaeth a/neu rym ymchwil ac arloesi.  Rydym yn dathlu pobl sydd â chysylltiad â Chymru – sydd naill ai’n byw yng Nghymru, wedi’u geni yng Nghymru neu sydd â rhyw gysylltiad perthnasol arall megis cyflogaeth.

Gellir gwneud unrhyw elfen o’r enwebiad hwn yn y Gymraeg neu’r Saesneg. Cewch ei lenwi yn yr iaith sydd orau gennych.

Os oes gennych chi unrhyw gwestiynau am ein medalau a gwobrau, cysylltwch â ni ar medals@lsw.wales.ac.uk , os gwelwch yn dda.

• Canllaw ar gyfer Enwebwyr: Fersiwn gryno o’r rheoliadau ar gyfer enwebwyr, gyda dolenni i’r dogfennau allweddol a restrir isod, y mae’n ofynnol eu cyflwyno ochr yn ochr â’r enwebiad.
• Canllaw ar gyfer Enwebeion: Amlinelliad i’w rannu ag unigolion neu dimau sy’n cael eu henwebu.
• Ffurflen Enwebu Ar Lein: Dolen i’r ffurflen enwebu ar-lein. Sicrhewch eich bod yn cyfeirio at y Canllaw ar gyfer Enwebwyr cyn cwblhau’r ffurflen. Gallwch weld copi o’r cwestiynau ar y ffurflen yma.
• Rheoliadau: Y rheoliadau llawn a ffurfiol sy’n amlinellu’r broses gyfan.
• Ffurflen ganiatâd: Ffurflen ar-lein fer y mae’n rhaid i’r ymgeisydd/ tîm ei llenwi cyn enwebiad.
• Cwestiwn Effaith Gyrfa: Mae’r cwestiwn gyfrinachol a dewisol hon, sy’n rhan o’r ffurflen ganiatâd, ar gael i ymgeisydd (neu Dîm) sy’n dymuno tynnu sylw at unrhyw ffactorau sydd wedi dylanwadu neu effeithio ar eu gyrfa.
• Cais am eirdaon: Dolen i ffurflen geirda ar-lein. Gallwch weld copi o’r cwestiynau ar y ffurflen yma.
• Matrics Sgorio: Templed meini prawf sgorio ar gyfer y Pwyllgorau Craffu Medalau a Gwobrau.
• Canllawiau i’r Pwyllgorau Craffu Medalau a Gwobrau.
• Proffil Swydd ar gyfer Cymrodyr ar y Pwyllgorau Craffu Medalau