Ymunwch â 4ydd Colocwiwm blynyddol Rhwydwaith Ymchwilwyr Gyrfa Gynnar Cymdeithas Ddysgedig Cymru ym Mhrifysgol Aberystwyth ar 29 a 30 Mehefin 2026.

Mae’r Colocwiwm YGG yn dwyn ynghyd ymchwilwyr o bob cwr o Gymru a phob disgyblaeth am ddau hanner diwrnod o rwydweithio, datblygiad personol, a chydweithrediad. Mae’n cynnig lleoliad rhyngddisgyblaethol a chefnogol i rannu syniadau ymchwil, cael adborth cymheiriaid, archwilio cyfleoedd ar gyfer cydweithrediad yn y dyfodol, a datblygu sgiliau sy’n cefnogi gyrfaoedd ymchwil.

Bydd y rhaglen, sydd wedi’i chynllunio mewn partneriaeth â’r tîm rhyngddisgyblaethol o ymchwilwyr, yn adlewyrchu anghenion a phrofiadau amrywiol y rhai sy’n gweithio ledled Cymru. Eleni, rydym yn gweithio â Rhwydwaith Ymchwilwyr Gyrfa Gynnar Prifysgol Aberystwyth i gynnal y Colocwiwm.

Bydd digwyddiad cymdeithasol dewisol yn cael ei gynnal gyda’r nos ar 29 Mehefin, gan gynnig rhagor o gyfleoedd i gysylltu â chyd fynychwyr mewn amgylchedd hamddenol.

Clywch gan fynychwyr y 3ydd Colocwiwm YGG Blynyddol ynglŷn â sut mae’n ategu eu teithiau ymchwil eu hunain yn ogystal â chyfrannu at atgyfnerthu diwylliant ymchwil ehangach Cymru.