Mae Colocwiwm ymchwilwyr gyrfa gynnar yn ddigwyddiad blynyddol a gynhelir yn yr haf. Mae ein Colocwiwm yn gwahodd ymchwilwyr ar ddechrau eu gyrfa i rannu eu hymchwil diweddaraf, cymryd rhan mewn gweithdai hyfforddi a datblygu, a rhwydweithio â chydweithwyr o bob rhan o Gymru, gan gynnwys cymrodyr Cymdeithas Ddysgedig Cymru a chynrychiolwyr o sefydliadau ymchwil a pholisi allweddol. Bob blwyddyn rydym yn ffurfio Pwyllgor Colocwiwm sy’n cynnwys ymchwilwyr ar ddechrau eu gyrfa, sy’n gweithio ochr yn ochr â’n Grŵp Cynghori ar Ddatblygu Ymchwilwyr i gyflwyno Colocwiwm wedi’i deilwra i anghenion ymchwilwyr sy’n gweithio yng Nghymru.
I gael y wybodaeth ddiweddaraf am ein Colocwiwm YGC 2025, cofrestrwch ar gyfer ein cylchlythyr misol.
