Colociwm Ymchwilwyr Gyrfa Cynnar 2026
Prifysgol Aberystwyth | 29 a 30 Mehefin
Cynhaliwyd pedwerydd Colocwiwm blynyddol Cymdeithas Ddysgedig Cymru ar gyfer Ymchwilwyr Gyrfa Gynnar dros ddau ddiwrnod ym Mhrifysgol Aberystwyth ar 29 a 30 Mehefin 2026.
Mae’r Colocwiwm Ymchwilwyr Gyrfa Gynnar yn ddigwyddiad rhyngddisgyblaethol Cymru gyfan ar gyfer y rhai sydd yn y byd academaidd, yn ogystal â’r rhai sy’n gweithio yn y sectorau preifat, cyhoeddus a’r trydydd sector. Daeth y trydydd Colocwiwm blynyddol ag ymchwilwyr o bob cwr o Gymru ynghyd i gyflwyno eu hymchwil i rwydwaith unigryw o ymchwilwyr, rhanddeiliaid a Chymrodoriaeth Cymdeithas Ddysgedig Cymru.
Daeth y Colocwiwm ag ymchwilwyr o bob disgyblaeth ac o bob cwr o Gymru ynghyd am ddau ddiwrnod o rwydweithio rhyngddisgyblaethol, datblygu proffesiynol, a chydweithio mewn amgylchedd cefnogol. Gan ychwanegu at lwyddiant digwyddiad dau ddiwrnod y llynedd, cafodd y Colocwiwm ei gyd-ddylunio gan Dîm Datblygu Ymchwilwyr CDdC, mewn partneriaeth â Rhwydwaith YGG Prifysgol Aberystwyth. Roedd y digwyddiad yn un rhad ac am ddim, ac roedd croeso i ymchwilwyr sy’n gweithio yn y byd addysg a thu hwnt iddo gymryd rhan. Ymunodd mwy na 140 o ymchwilwyr, rhanddeiliaid a Chymrodyr Cymdeithas Ddysgedig Cymru â ni yng Ngholocwiwm eleni.
Rhaglen
Cafodd rhaglen y Colocwiwm ei llunio gan bwyllgor trefnu, a oedd yn cynnwys ymchwilwyr gyrfa gynnar yn bennaf, ac yn cael ei gefnogi gan Gymrodyr CDdC, gan gynnwys yr Athro Rhys Jones a’r Athro Rattan Yadav, sef Cenhadon y Gymdeithas yn Aberystwyth. Chwaraeodd Bwyllgor y Colocwiwm YGG, dan arweiniad Dr Hannah Vallin (aelod o’r Grŵp Cynghori ar Ddatblygu Ymchwilwyr CDdC), ran ganolog o ran sicrhau bod y rhaglen yn parhau’n berthnasol i anghenion ymchwilwyr gyrfa gynnar.
Dechreuodd y Colocwiwm gyda chroeso gan Is-ganghellor Prifysgol Wrecsam, sef yr Athro Jon Timmis (FLSW), ac yna araith gan yr Athro Helen Roberts (FLSW). Yn ei sgwrs, myfyriodd yr Athro Roberts ar lywio gyrfa heb lwybr na nod pendant, ystyried y rolau sydd gan chwilfrydedd, serendipedd, dewrder, ac ymreolaeth o ran helpu i lywio’r daith, a’r gwerth sy’n gysylltiedig â phethau’n mynd o chwith o bryd i’w gilydd.
Aeth y diwrnod cyntaf yn ei flaen gyda sesiynau sgyrsiau fflach ar y thema Nodau Llesiant Deddf Cenedlaethau’r Dyfodol, gan gynnwys ‘Cymru Fwy Cyfartal’, ‘Cymru â Diwylliant Bywiog’ ac ‘Iaith, a Chymru Gadarn’, ynghyd ag amser pwrpasol i rwydweithio a chael lluniaeth. Daeth y diwrnod i ben gyda gweithgareddau cymdeithasol dan arweiniad YGG gyda’r nos.
Dechreuodd yr ail ddiwrnod gyda rhagor o sesiynau sgyrsiau fflach ar ‘Cymru o Gymunedau Cydlynus’, ‘Cymru Iachach’, a ‘Cymru, yr Economi, a Thechnolegau Newydd’, a’r Arddangosfa Poster Ymchwil ar ôl hynny.
Galluogodd trafodaeth banel ryngddisgyblaethol ar ‘Lywio Ymgysylltiad y Tu Hwnt i’r Byd Academaidd fel YGG’ y rhai a oedd yn bresennol i ystyried pwysigrwydd meithrin cysylltiadau a chydweithrediadau gyda phartneriaid allanol a’u galluogi i ennill cipolygon ar sut i lywio heriau a ddaw i’r amlwg, megis materion moesegol, disgwyliadau cyferbyniol, a’r angen i gydbwyso cyfrifoldebau eraill ochr yn ochr ag ymchwil.
Gwobr Ymchwilydd Gyrfa Gynnar Hywel Thomas ar gyfer Diwylliant Ymchwil ac Arweinyddiaeth Gymunedol
Un o uchafbwyntiau Colocwiwm eleni oedd cyhoeddi enillydd cyntaf Gwobr YGG Hywel Thomas ar gyfer Diwylliant Ymchwil ac Arweinyddiaeth Gymunedol. Cafodd y wobr ei sefydlu yn 2026 i nodi diwedd chwe blynedd yr Athro Hywel Thomas fel Llywydd Cymdeithas Ddysgedig Cymru ac mae’n cydnabod ymchwilwyr gyrfa gynnar yng Nghymru sy’n cefnogi eu cymheiriaid, a thrwy hynny, yn helpu i greu amgylchedd ymchwil mwy cynhwysol, cefnogol, a chynaliadwy i bawb.
Mae’r wobr yn adlewyrchu arweinyddiaeth a gwerthoedd yr Athro Thomas yn ystod ei gyfnod fel Llywydd, yn ogystal â’i ymrwymiad i ddiwylliant ymchwil sy’n rhagorol, yn deg, yn gydweithredol, ac yn canolbwyntio ar bobl.
Cafodd y wobr ei chyflwyno eleni am y tro cyntaf. Llongyfarchiadau i’r enillydd cyntaf, Caitlyn Donaldson.
Llongyfarchiadau hefyd i’r rhai a oedd yn agos at y brig: Daniela Duc, Ivana Rozic, a Vassilissa Carangio, ac Winnie Courtene-Jones, ac i’r enwebeion ar y rhestr fer: Elena Hristova, a Stanislava Nedeva ac Anna Katsoulaki.
Gweithdai
Ymgysylltu ag Academi Ifanc y DU: Llwybrau, Pobl, a Phosibiliadau
Cyflwynodd y sesiwn hon Academi Ifanc y DU (UKYA), sef rhwydwaith rhyngddisgyblaethol o ymchwilwyr gyrfa gynnar a gweithwyr proffesiynol ar hyd a lled y DU sy’n cael eu dethol drwy broses gystadleuol i gyfrannu at waith ar ddiwylliant ymchwil, polisi, ac ymgysylltu â’r cyhoedd ochr yn ochr â’u prif rolau. Rhannodd aelodau panel, sef Dr Emily Lowthian (Prifysgol Abertawe, Ysgol Gwyddorau Cymdeithasol) a Dr Sarah-Jane Dunlop-Potts (Prifysgol Abertawe, Adran Peirianneg Fecanyddol), astudiaethau achos o’u profiad personol fel aelodau UKYA sy’n gweithio ar draws iechyd, y dyniaethau, a’r gwyddorau, gan gynnwys pam aethon nhw ati i ymgeisio, beth mae aelodaeth yn ei olygu, a sut y mae wedi llywio eu gwaith. Aeth trafodaeth banel i’r afael ag ymarferoldeb ymgeisio, gan gynnwys cymhwysedd, meini prawf asesu, a chamsyniadau cyffredin, gan roi’r cyfle i’r rhai a oedd yn bresennol ystyried a allai’r UKYA fod yn ddewis da ar gyfer eu buddion a’u cam gyrfa personol.
Rhoi Hwb i’ch Pwerau Ymchwil Arbennig gyda LEGO Serious Play
Cafodd y sesiwn hon ei harwain gan Dr Anwen Elias, Darllenydd Gwleidyddiaeth ym Mhrifysgol Aberystwyth. Cyflwynodd y sesiwn ymarferol hon brif egwyddorion LEGO Serious Play, sef dull o ennyn diddordeb pobl, annog ffyrdd gwahanol o feddwl, a galluogi mathau gwahanol o sgyrsiau. Aeth cyfranogwyr ati i adeiladu a rhannu eu modelau LEGO eu hunain, gan ddefnyddio cryfderau ymchwil cyfredol fel thema i ystyried pa gamau a allai helpu i roi hwb pellach i sgiliau ymchwil. Ysgogodd y sesiwn gyfle i fyfyrio ar sut y gall chwarae pwrpasol ychwanegu gwerth, a hwyl, i ymchwil, addysgu, a’r cyd-destunau sefydliadol a chymdeithasol ehangach y mae ymchwilwyr yn gweithio ynddynt. Mae ymchwil bersonol Anwen yn cwmpasu datganoli a newid cyfansoddiadol, etholiadau a gwleidyddiaeth yng Nghymru, a democratiaeth gyfranogol a chydgynghorol, ac mae’n tynnu fwyfwy ar ddulliau creadigol a gweledol i gynnwys lleisiau gwahanol a galluogi meddwl yn ddyfnach mewn mannau academaidd, polisi, a chymuned.
Ymchwil sy’n Ystyrlon yn Lleol gan ddefnyddio Ffyrdd o Weithio Deddf Llesiant Cenedlaethau’r Dyfodol
Cafodd y gweithdy hwn ei hwyluso gan Dr Tom Avery o Swyddfa Ymchwil Heriau Lleol Prifysgol Abertawe a defnyddiodd y gweithdy Ffyrdd o Weithio Deddf Cenedlaethau’r Dyfodol i ysgogi myfyrio dadansoddol ar ymarfer ymchwil, gan dynnu ar astudiaeth achos go iawn o sut y mae cymunedau arfordirol difreintiedig yn ymgysylltu â’u hamgylchedd lleol. Edrychodd y sesiwn ar yr hyn y mae’n ei olygu i fynd ar drywydd newid ystyrlon o ganol systemau echdynnol hanesyddol ac yn ystod cyfnod o gyfyngiad ariannol. Rhoddodd y cyfle i ymchwilwyr gyrfa gynnar ystyried sut y gallai’r Ffyrdd o Weithio gael eu gwreiddio mewn ymchwil bob dydd. Roedd y gweithdy wedi’i ddylunio i fod yn hygyrch ac fe gynigiodd sawl ffordd o gyfrannu, boed ar lafar, yn ysgrifenedig, neu’n ddienw, gyda thoriadau integredig i fyfyrio, yn ogystal â rheolau sylfaenol y cytunwyd arnynt ar gyfer cael sgyrsiau a oedd yn dangos parch, creu man a oedd yn ddiogel yn seicolegol i gyfranogwyr ymgysylltu’n ddadansoddol â themâu sensitif ynghylch amddifadedd ac ymarfer ymchwil echdynnol.
Arddangosfa Posteri Ymchwil
Anogodd ein Harddangosfa Ymchwil Poster ymchwilwyr i gyflwyno eu hymchwil mewn fformat gweledol i gynulleidfa gyffredinol.
Llongyfarchiadau i enillydd eleni, Jianhao Yang (Prifysgol Caerdydd), am gyflwyno’r poster ymchwil “Arloesedd amaeth-dechnolegol ar gyfer datblygu systemau bwyd gwydn a chynaliadwy”.
Cydnabyddiaethau
Hoffai Cymdeithas Ddysgedig Cymru ddiolch o galon i Brifysgol Aberystwyth a’i staff, Pwyllgor y Colocwiwm, gan gynnwys Rhwydwaith YGG Aberystwyth a Chymrodyr CDdC, ac i bawb a ddaeth i’r digwyddiad a chyflwyno yn ystod y ddau ddiwrnod. Mae Tîm Datblygu Ymchwilwyr CDdC yn edrych ymlaen at drefnu Colocwiwm y flwyddyn nesaf, ac yn eich annog i gadw llygad am gyfleoedd a diweddariadau newydd am ddigwyddiad y flwyddyn nesaf drwy gylchlythyr Rhwydwaith YGC a sianeli cyfryngau cymdeithasol.
Mae Tîm Datblygu Ymchwilwyr CDdC yn edrych ymlaen at drefnu Colocwiwm y flwyddyn nesaf, ac yn eich annog i gadw llygad am gyfleoedd a diweddariadau newydd am ddigwyddiad y flwyddyn nesaf drwy gylchlythyr Rhwydwaith YGC a sianeli cyfryngau cymdeithasol.
Registration Now Closed: ECR Colloquium 2026
Pa un a ydych yn dymuno ehangu eich rhwydwaith, rhannu eich gwaith neu archwilio cyfleoedd newydd, mae’r Colocwiwm yn cynnig lle croesawgar a chydweithredol i ymgysylltu ag ymchwilwyr a gweithwyr proffesiynol o wahanol sectorau.
Trwy fynychu, cewch gyfle i wneud y canlynol:
Cysylltu ag Ymchwilwyr Gyrfa Cynnar, ymchwilwyr, llunwyr polisïau a gweithwyr proffesiynol ledled y byd academaidd, y byd diwydiant, y sector cyhoeddus a sefydliadau nid-er-elw
Rhannu eich ymchwil trwy gyfrwng posteri a sgyrsiau byr
Cymryd rhan mewn trafodaethau a gweithdai rhyngweithiol
Archwilio trefniadau cydweithredu newydd a chyfleoedd i ddatblygu eich gyrfa
Ymgysylltu â chymuned ymchwil gefnogol a chynhwysol
Hefyd, bydd y Colocwiwm yn cyflwyno Gwobr YGC Hywel Thomas ar gyfer Diwylliant Ymchwil ac Arweinyddiaeth Gymunedol, gan ddathlu Ymchwilwyr Gyrfa Cynnar sy’n cynorthwyo Ymchwilwyr Gyrfa Cynnar eraill ac sy’n cyfrannu at amgylchedd ymchwil mwy cynhwysol a chefnogol.
Anogwn y mynychwyr i ystyried cyflwyno enwebiad.
Find out more about the prize by clicking on ” The Hywel Thomas Prize” tab.
Gall y canlynol fynychu’r Colocwiwm:
Ar draws y deuddydd, bydd y rhaglen yn cynnwys cymysgedd o brif sesiynau, sgyrsiau byr, gweithdai a chyfleoedd i rwydweithio. Isod, ceir amserlen ddrafft ar gyfer y Colocwiwm er mwyn hwyluso cynlluniau teithio’r mynychwyr. Byddwn yn rhannu rhaglen derfynol gyda’r mynychwyr cyn y digwyddiad. .
Noder: os ydych wedi cyflwyno crynodeb ar gyfer y Colocwiwm, nid oes angen i chi lenwi’r ffurflen gofrestru gyffredinol hon ar hyn o bryd, beth bynnag fydd canlyniad eich cyflwyniad. Bydd pob un sydd wedi cyflwyno crynodeb yn cael eu gwahodd i gwblhau proses gofrestru fewnol ar wahân, a bydd manylion pellach yn cael eu rhannu’n uniongyrchol gan y tîm Datblygu Ymchwilwyr drwy researcherdevelopment@lsw.wales.ac.uk
I gofrestru ar gyfer y Colocwiwm, dilynwch y ddolen isod:
Cofrestrwch yma: Colocwiwm YGG 2026
Mae’r cofrestru ar agor i unrhyw un sydd â diddordeb mewn mynychu’r Colocwiwm, a bydd yn cau ar 12 Mehefin 2026, neu’n gynharach os bydd y digwyddiad yn cyrraedd llawn gapasiti.
Rydym wedi ymrwymo i leihau rhwystrau sy’n atal pobl rhag cyfranogi. Bydd nifer cyfyngedig o fwrsariaethau teithio ac opsiynau llety ar gael i gynorthwyo’r mynychwyr. Rhoddir blaenoriaeth i gyfranogwyr a fydd yn rhoi cyflwyniad yn y Colocwiwm ac y derbyniwyd eu crynodebau. Er mwyn cael eich ystyried, llenwch y ffurflen gais sydd ar y dudalen gofrestru uchod. Sylwer: ni ddylai’r mynychwyr wneud unrhyw drefniadau teithio hyd nes y bydd eu bwrsari teithio wedi’i gymeradwyo’n ffurfiol.
Cadwch lygad ar y dudalen hon — bydd rhagor o wybodaeth am y rhaglen a manylion y digwyddiad yn cael eu rhyddhau dros yr wythnosau nesaf.
Sylwer: Disgwylir i Ymchwilwyr Gyrfa Gynnar deithio y diwrnod cyn y digwyddiad. Bydd llety felly’n cael ei ddarparu ar gyfer nosweithiau 28 a 29 Mehefin. Bydd modd i fynychwyr deithio adref ar 30 Mehefin ar ôl 2:00 pm, unwaith y bydd y digwyddiad wedi dod i ben.
Os oes gennych gwestiynau ynglŷn â’r Colocwiwm neu ynglŷn â’r broses gofrestru, cysylltwch â’r canlynol:
Bydd y gynhadledd yn cael ei chynnal yng Nghanolfan Gynadleddau Medrus, Penbryn, Prifysgol Aberystwyth, Penglais, SY23 3BY.
Cliciwch yma i gael cyfarwyddiadau i Aberystwyth. I weld mapiau o Gampws Prifysgol Aberystwyth, Cliciwch yma
Noder y bydd y wobr hon yn cael ei chyflwyno yng Ngholocwiwm Ymchwilwyr Gyrfa Gynnar 2026, a gynhelir ym Mhrifysgol Aberystwyth ar 29–30 Mehefin.
Mae Gwobr YGG Hywel Thomas am Ddiwylliant Ymchwil ac Arweinyddiaeth Gymunedol yn dathlu Ymchwilwyr Gyrfa Gynnar (YGG) yng Nghymru sy’n cefnogi YGG eraill ac yn cyfrannu i amgylchedd ymchwil mwy cynhwysol, cefnogol a chynaliadwy.
Fe’i sefydlwyd mewn cydnabyddiaeth o arweinyddiaeth a gwerthoedd yr Athro Hywel Thomas, ac mae’r wobr yn adlewyrchu ymrwymiad i ddiwylliant ymchwil sydd nid yn unig yn ardderchog, ond hefyd yn deg, yn gydweithredol ac yn canolbwyntio ar bobl. Yn ystod ei gyfnod fel Llywydd Cymdeithas Ddysgedig Cymru, hyrwyddodd yr Athro Thomas ymchwilwyr gyrfa gynnar a chefnogodd y gwaith o gryfhau cydraddoldeb, amrywiaeth a chynhwysiant, gan gydnabod bod cymunedau ymchwil ffyniannus yn ddibynnol ar allu pob unigolyn i gymryd rhan a llwyddo.
Mae’r wobr hon yn parhau â’r gwaddol hwnnw drwy gydnabod YGG sy’n dangos arweinyddiaeth drwy ofal, cynhwysiant ac adeiladu cymunedau – cefnogi eraill wrth helpu i lywio diwylliant ymchwil sy’n agored, hygyrch a theg.
Bydd y wobr yn cael ei chyflwyno yng Ngholocwiwm Rhwydwaith Ymchwilwyr Gyrfa Gynnar 2026 yn Aberystwyth. Dyfernir y wobr yng Ngholocwiwm Rhwydwaith Ymchwilwyr Gyrfa Gynnar 2026 yn Aberystwyth. Bydd enwebeion ar y rhestr fer yn cael eu cydnabod yn y digwyddiad ac yn derbyn tystysgrif. Bydd enillydd y wobr yn derbyn tystysgrif, gwobr ariannol a chydnabyddiaeth ffurfiol yng nghyfathrebiadau’r Gymdeithas, gan gynnwys sianeli ar-lein ac wyneb yn wyneb.
Yr Athro Hywel Thomas yw trydydd Llywydd Cymdeithas Ddysgedig Cymru, gan ymgymryd â’r swydd ym mis Mai 2020 yn ystod y pandemig COVID-19. Arweiniodd y Gymdeithas drwy gyfnod o ddatblygiad sylweddol, gan gynnwys sefydlu’r Rhwydwaith Ymchwilwyr Gyrfa Gynnar, a pharhaodd â’r cynnydd drwy wella cydraddoldeb, amrywiaeth a chynhwysiant ar draws ei gwaith.
Yn ymchwilydd a gydnabyddir yn rhyngwladol, ef yw sylfaenydd y Ganolfan Ymchwil Daear-Amgylcheddol ym Mhrifysgol Caerdydd ac mae’n Athro Ymchwil Nodedig ym Mhrifysgol Abertawe. Bu’n gwasanaethu fel Comisiynydd Bevan, gan ddarparu cyngor arbenigol annibynnol i Lywodraeth Cymru ar arloesi a gwelliant ym maes iechyd a gofal cymdeithasol yng Nghymru. Bu hefyd yn arwain FLEXIS, prosiect £24 miliwn ar gyfer ymchwil systemau ynni yng Nghymru. Mae’n Gymrawd y Gymdeithas Frenhinol (FRS), yn Gymrawd Academi Frenhinol Peirianneg (FREng), ac yn Aelod o Academia Europaea, Academi Ewrop.
Yn 2017 derbyniodd CBE am ei wasanaethau i ymchwil academaidd ac addysg uwch. Yn 2021, cafodd ei ethol yn aelod tramor o Academi Gwyddorau Tsieina, sef yr anrhydedd uchaf a roddir gan lywodraeth Tsieina i wyddonydd tramor am ei gyfraniadau a’i gyflawniadau mewn gwyddoniaeth a thechnoleg. Yn 2025, derbyniodd yr Athro Thomas Wobr Cyfeillgarwch Llywodraeth Tsieina, am ei ‘gyfraniad pwysig i foderneiddio sosialaidd Tsieina yn ogystal â chyfnewidiadau a chydweithrediad â gwledydd eraill.’
Mae ei arweinyddiaeth yn adlewyrchu ymrwymiad cryf i gefnogi talent ymchwil yng Nghymru, gan gryfhau cymunedau a llywio diwylliant ymchwil sy’n gydweithredol, cynhwysol a blaengar – gwerthoedd sy’n sail i’r wobr hon.
Mae’r wobr yn cydnabod cyfraniadau lle mae YGG yn cefnogi YGG eraill ac yn cryfhau diwylliant ymchwil a chymuned mewn ffyrdd cynhwysol, cydweithredol ac effeithiol.
Gall hyn gynnwys, ond heb fod yn gyfyngedig i:
Rydym yn gwerthfawrogi’n arbennig gyfraniadau sy’n cydnabod pwysigrwydd cymuned, cyfrifoldeb a rennir a’r gwaith nas gwelir yn aml sy’n galluogi eraill i ffynnu.
Yng Nghymdeithas Ddysgedig Cymru, rydym yn credu y dylai diwylliant ymchwil adlewyrchu amrywiaeth y cymunedau mae’n eu gwasanaethu. Felly mae cydraddoldeb, amrywiaeth a chynhwysiant yn greiddiol i sut gaiff y wobr hon ei diffinio a’i hasesu.
Rydym yn cydnabod bod ymchwilwyr gyrfa gynnar yn profi amgylcheddau ymchwil mewn gwahanol ffyrdd, a bod rhwystrau – boed yn strwythurol, diwylliannol neu ymarferol – yn gallu llywio mynediad at gyfleoedd a chynnydd. Mae cefnogi YGG yn golygu gweithio’n bwrpasol i leihau’r rhwystrau hyn a chreu amodau lle gall ystod ehangach o ymchwilwyr gyfrannu a llwyddo.
Mae’r wobr hon yn gwerthfawrogi cyfraniadau sy’n arddangos dulliau mwy cynhwysol a meddylgar tuag at arweinyddiaeth ac adeiladu cymuned. Gall hyn gynnwys cefnogi grwpiau heb gynrychiolaeth ddigonol, gwella hygyrchedd, creu mannau ac arferion cynhwysol, neu ehangu cyfranogiad mewn cyfleoedd ymchwil a datblygu.
Mae enwebiadau ar agor i:
Rydym yn diffinio Ymchwilydd Gyrfa Gynnar (YGG) fel rhywun sydd o fewn 8 mlynedd o gwblhau ei PhD (or equivalent research experience), excluding any career breaks. This includes researchers working across academia, industry, the public sector, and not-for-profit organisations. We also welcome nominations from, and for, Independent Researchers. Please note that croesawu enwebiadau gan, ac ar gyfer, Ymchwilwyr Annibynnol. Noder nad yw ymchwilwyr doethurol (myfyrwyr PhD) yn gymwys am y wobr hon. 1
Dylai enwebeion fod wedi’u lleoli yng Nghymru neu’n gwneud cyfraniad amlwg i’r amgylchedd ymchwil yng Nghymru. Gall gweithgaredd cymwys gael ei gynnal ar draws y byd academaidd, y sector cyhoeddus a phreifat, diwydiant, sefydliadau nid er elw neu drwy gydweithredu traws-sector.
¹ Os nad ydych yn sicr os yw enwebai yn cwrdd â’r diffiniad o YGG, gan gynnwys achosion lle gall unigolion fod yn dal yn astudio am ddoethuriaeth ochr yn ochr â chyflogaeth neu â llwybrau gyrfa aflinol, rydym yn eich annog i gysylltu â ni ar researcherdevelopment@lsw.wales.ac.uk i drafod eich sefyllfa. Er nad yw ymchwilwyr doethurol yn gymwys fel arfer, rydym yn cydnabod y gall unigolion hunan-adnabod fel rhan o’r gymuned YGG mewn rhai amgylchiadau ac rydym yn fodlon darparu canllawiau pellach. Er nad yw ymchwilwyr doethurol yn gymwys fel arfer, rydym yn cydnabod y gall unigolion hunan-adnabod fel rhan o’r gymuned YGG mewn rhai amgylchiadau ac rydym yn fodlon darparu canllawiau pellach.
Gall rhywun o du mewn neu du allan i sefydliad yr enwebai gyflwyno enwebiadau:
To submit a nomination, please complete the online application form by Gwener, 29th May 2026 (4:00 pm): The Hywel Thomas ECR Prize for Research Culture and Community Leadership
Gofynnir i chi ddarparu trosolwg byr o gyfraniad yr enwebai, gan roi tystiolaeth o sut mae wedi cefnogi YGG eraill a chyfrannu at ddiwylliant ymchwil cadarnhaol a chynhwysol.
¹ Os nad ydych yn sicr os yw enwebai yn cwrdd â’r diffiniad o YGG, gan gynnwys achosion lle gall unigolion fod yn dal yn astudio am ddoethuriaeth ochr yn ochr â chyflogaeth neu â llwybrau gyrfa aflinol, rydym yn eich annog i gysylltu â ni ar researcherdevelopment@lsw.wales.ac.uk i drafod eich sefyllfa. Er nad yw ymchwilwyr doethurol yn gymwys fel arfer, rydym yn cydnabod y gall unigolion hunan-adnabod fel rhan o’r gymuned YGG mewn rhai amgylchiadau ac rydym yn fodlon darparu canllawiau pellach.
Yn dilyn y dyddiad cau ar gyfer cyflwyno cais, adolygir enwebiadau, a byddwn yn cysylltu ag enwebeion sydd wedi cyrraedd y rhestr fer. Bydd yr enwebwyr a’r enwebeion yn cael eu hysbysu os yw’r cais yn cyrraedd y rhestr fer.
Os na fyddwch yn clywed gennym erbyn 17eg Mehefin 2026, dylech gymryd nad yw eich cais wedi bod yn llwyddiannus y tro hwn.
Mae tîm ymroddedig o ymchwilwyr, sy’n rhan o Rwydwaith ECR ym Mhrifysgol Aberystwyth, wedi bod yn gweithio gyda ni i gefnogi cynllunio a chyflwyno Colocwiwm ECR 2026. Mae eu harbenigedd yn sicrhau bod y Colocwiwm wedi’i gynllunio i adlewyrchu anghenion a blaenoriaethau ymchwilwyr sy’n gweithio yng Nghymru.
Mae Dr Hannah Vallin yn Gynorthwyydd Ymchwil Ôl-ddoethurol yn y Sefydliad Gwyddorau Biolegol, Amgylcheddol a Gwledig (IBERS), Prifysgol Aberystwyth, lle mae’n arbenigo mewn metabarcodio a DNA amgylcheddol (eDNA) ar gyfer ymchwil ecolegol a bioamrywiaeth. Yn ymchwilydd amlddisgyblaethol, mae’n cymhwyso dulliau sy’n seiliedig ar DNA i ennill gwell dealltwriaeth o ryngweithiadau rhywogaethau, iechyd ecosystemau, a bioamrywiaeth.
Yn dilyn ei gradd PhD mewn dadansoddi diet llysysorion, mae wedi dal swyddi fel cynorthwyydd ymchwil ôl-ddoethurol ym Mhrifysgol Aberystwyth, gan weithio ar draws ecosystemau daearol a morol. Mae Hannah hefyd yn Gadeirydd ar Bwyllgor Ymchwilwyr Gyrfa Gynnar Prifysgol Aberystwyth, lle mae’n cefnogi mentrau sy’n meithrin cynhwysiant, cydweithio, mentora, a datblygiad proffesiynol ar gyfer ymchwilwyr ar draws disgyblaethau.
Mae Caitlin yn Ddarlithydd Seicoleg ym Mhrifysgol Aberystwyth. Mae ei hymchwil yn archwilio agweddau amrywiol ar Hyder gyda Chyswllt Rhynghiliol: archwilio cyfranogwyr sydd yn meddu ar hyder neu â diffyg hyder o ran rhyngweithio â phobl sy’n amrywiol o ran hil/ethnigrwydd a sut maent yn trafod (neu’n peidio â thrafod!) pynciau ynghylch hil. Yn ogystal, mae hi’n astudio sut mae hyn yn effeithio ar eu dymuniad i geisio profiadau rhynghiliol a’u gallu i ddatblygu cyfeillgarwch llwyddiannus a chadarnhaol gyda phobl sy’n amrywiol o ran hil/ethnigrwydd. Ar hyn o bryd, mae hi’n archwilio lliwddallineb strategol (SCB), ffenomenon lle mae pobl yn osgoi trafod pynciau ynghylch hil oherwydd eu bod yn ofni cael eu gweld yn hiliol, gyda’r bwriad o ddatblygu ymyriadau i fagu hyder a sgiliau.
Mae Elena Anna Spagnuolo yn gweithio fel Darlithydd Cyswllt a Hyfforddwr Eidaleg ym Mhrifysgol Aberystwyth. Archwiliodd ei hysgrif Voice of Women Writers. Using Language to Negotiate Identity in Transmigratory Contexts, y cysylltiad rhwng ysgrifennu, hunan-gyfieithu a’r ail-ddiffiniad o hunaniaeth mewn cyd-destunau ymfudol. Yn 2020, archwiliodd ei phrosiect ymchwil, a ariannwyd gan y Ganolfan Astudio Symudedd Pobl, effaith Covid-19 ar yr agwedd drawswladol o Eidalwyr yn ymfudo i Gymru. Mae hi’n gweithio ar hyn o bryd ar brosiect wedi’i ariannu gan Grantiau Bach yr Academi Brydeinig. Mae’n archwilio cynllun gwacáu ar gyfer plant o'r Eidal yn dilyn yr Ail Ryfel Byd.
Mae Ben yn ymchwilydd doethurol ac yn ecolegydd ar ddechrau ei yrfa yn Athrofa’r Gwyddorau Biolegol, Amgylcheddol a Gwledig (IBERS), Prifysgol Aberystwyth. Mae ei
ymchwil yn mabwysiadu dull amlddisgyblaethol o ymdrin ag ecoleg ucheldir, gan ymchwilio i'r perthnasoedd cymhleth rhwng dynameg llystyfiant, hydroleg mawndir, patrymedd tanau gwyllt, a sut y gall defnydd a rheolaeth tir ddylanwadu ar wydnwch y tirweddau hyn. Fel aelod o Bwyllgor Colocwiwm Ymchwilwyr Gyrfa Gynnar 2026, mae Ben yn gobeithio cyfrannu at waith parhaus Cymdeithas Ddysgedig Cymru yn meithrin rhwydweithio a chydweithredu rhwng ymchwilwyr gyrfa gynnar ledled Cymru.
Mae Beatrice yn arwain y Rhaglen Bridio Miscanthus yn Athrofa'r Gwyddorau Biolegol, Amgylcheddol a Gwledig (IBERS), Prifysgol Aberystwyth, lle mae hi’n defnyddio technolegau bridio planhigion arloesol i gyflymu enillion genetig i gyflawni gwell cnydau, gwydnwch pwysau, a nodweddion ansawdd. Mae ei hymchwil presennol yn canolbwyntio ar ddatblygu mathau Miscanthus sy’n cynhyrchu mwy ac sy’n wydn o ran hinsawdd er mwyn cefnogi systemau amaethyddol cynaliadwy. Mae ei hymchwil yn canolbwyntio ar ddatblygu’r ddealltwriaeth o fioleg Miscanthus, yn enwedig drwy archwilio’r mecanweithiau sy’n sail i ymatebion planhigion i bwysau anfiotig ac amgylcheddol amrywiol, i lywio strategaethau bridio sydd wedi’u targedu. Mae gan Beatrice brofiad sylweddol o ddysgu ar lefel prifysgol ac wedi chwarae rhan allweddol mewn datblygu adnoddau e-ddysgu ynghylch Bridio Planhigion.
Mae Jule yn gronofiolegydd ac yn ymchwilydd ôl-ddoethurol ym Mhrifysgol Aberystwyth. Mae ei hymchwil yn canolbwyntio ar ddeall sut mae organebau yn cadw’r amser, gyda ffocws penodol ar ddylanwad y llanw a’r lleuad ar fywyd yn ein cefnforoedd. Cwblhaodd ei PhD yn y Max Planck Institute for Evolutionary Biology yn Plön, ac wedi hynny daeth cymrodoriaeth annibynnol ar ddechrau ei gyrfa â hi o ogledd yr Almaen i Gymru.
Mae Hardik Harishchandra Patel yn ymchwilydd PhD mewn Gwyddorau Biolegol ym Mhrifysgol Aberystwyth. Mae ei ymchwil yn canolbwyntio ar wrthsafiad gorwedd mewn Serchwellt Teff, gyda diddordeb penodol mewn biomecaneg coesau, dyddodi lignin ac ymatebion ffisiolegol planhigion. Mae ganddo gefndir academaidd cryf mewn bridio planhigion, geneteg a gwella cnydau, gyda phrofiad ymchwil blaenorol mewn cnydau cotwm a chodlysiau. Mae’n angerddol dros amaethyddiaeth gynaliadwy, dulliau ymchwil arloesol a chefnogi datblygiad ymchwilwyr gyrfa gynnar drwy fentrau academaidd cydweithredol.
Myfyriwr PhD yn yr Adran Gwyddorau Bywyd ym Mhrifysgol Aberystwyth yw Tina. Fel ecolegydd microbaidd, mae ymchwil Tina yn seiliedig ar ddeall microbiom rhewllwch (gwaddod tywyll a geir ar wyneb rhewlifau neu lenni iâ) yn bennaf o rewlifau’r Arctig (Ny-Ålesund). Mae ymchwil Tina yn canolbwyntio ar astudio newid mewn cymunedau bacteria yn rhewlifau’r Arctig ynghyd â ffurfiant rhewllwch. Bu Tina yn gynrychiolydd PhD yr adran ar gyfer blynyddoedd academaidd 2022/23 a 2023/24 ac yna'n gynrychiolydd Ymchwilwyr Gyrfa Gynnar yr adran ar gyfer 2024/25. Mae’r rolau hyn wedi helpu Tina i gyflwyno'r materion y mae cyd-fyfyrwyr PhD yn eu hwynebu i'r adrannau priodol.
Ymchwilydd ôl-ddoethurol profiadol, yn arbenigo mewn microbioleg a pharasitoleg milfeddygol yw Chelsea. Mae arbenigedd ymchwil Chelsea yn cwmpasu bioleg celloedd, proteomeg a bioleg folecwlaidd. Wrth wraidd ymchwil Chelsea mae ymrwymiad i ddeall rhyngweithiadau rhwng organebau lletyol a phathogenau er mwyn gwella iechyd, llesiant a chynhyrchiant da byw.
Cymrawd Ymchwil yn IBERS, Aberystwyth yw Dr Hannah Rees, sydd â diddordeb mewn clociau corff planhigion. Mae ganddi ddiddordeb mawr mewn sut mae clociau biolegol yn gweithio, sut maent yn gwahaniaethu rhwng planhigion, a sut allwn ni newid ychydig arnynt i dyfu cnydau gwell.
Darlithydd mewn Cyfrifiadureg a chyd-gynullydd y Rhwydwaith Ymchwilwyr Gyrfa Gynnar ym Mhrifysgol Aberystwyth yw Yasir. Drwy’r rolau hyn, mae wedi datblygu dealltwriaeth gref o’r heriau a’r cyfleoedd sy’n wynebu ymchwilwyr gyrfa gynnar ar draws disgyblaethau. Fel aelod o bwyllgor Colocwiwm YGG 2026, mae Yasir yn cyfrannu wrth lywio a darparu rhaglen ddifyr a chefnogol ar gyfer Ymchwilwyr Gyrfa Gynnar. Mae ganddo ddiddordeb arbennig mewn meithrin cydweithrediad rhyngddisgyblaethol a chefnogi ymchwilwyr rhyngwladol i lywio’r dirwedd ymchwil yng Nghymru a’r DU yn ehangach, gan helpu i greu cyfleoedd ar gyfer cysylltiadau ystyrlon ac ymchwil dylanwadol.
Swyddog llawrydd yn nhîm Datblygu Ymchwilwyr Cymdeithas Ddysgedig Cymru yw Dr Laura Jones. Bu’n gweithio ym Mhrifysgol Caeredin o’r blaen ar y prosiect Islam Prydeinig Digidol, a ariannwyd gan yr ESRC, yn dilyn rôl ôl-ddoethurol debyg ym Mhrifysgol Cymru y Drindod Dewi Sant. Mae’n wyddonydd cymdeithasol ac yn ysgolhaig astudiaethau crefyddol yn arbenigo mewn cymunedau Mwslimaidd cyfoes. Ymhlith ei diddordebau ymchwil mae cydlyniad cymdeithasol, achlysuron crefyddol a ffydd yn y man cyhoeddus. Dengys ddiddordeb arbennig mewn meithrin cymuned mewn cyd-destun Cymreig ac mae’n rhugl yn y Gymraeg.
Os oes gennych unrhyw gwestiynau am Golocwiwm YGG, anfonwch e-bost atom yn researcherdevelopment@lsw.wales.ac.uk
Rydym nawr yn gwahodd cyflwyniadau crynodeb ar gyfer Sgyrsiau Fflach 3 munud a Phosteri Ymchwil.
Rydym yn gwahodd cynigion sy’n unol ag un o Saith Nod Llesiant Deddf Cenedlaethau’r Dyfodol (Cymru) 2015:
Rydym hefyd yn annog cynigion sydd â chwmpas rhyngwladol i wneud cais. Os yw eich ymchwil yn cael ei gynnal y tu allan i Gymru, gallwch gyfeirio’n hytrach at 17 Nod Datblygu Cynaliadwyedd yr UE.
Dylai posteri ymchwil fod o faint A0 (84.1x 118.9 cm) a defnyddio cynllun portread.
Rydym yn annog ymgeiswyr i gyflwyno eu hymchwil mewn ffordd greadigol ar gyfer cynulleidfa ryngddisgyblaethol neu anarbenigol.
Canllawiau Cyflwyno
