Menna Ellis

Menna yw Cynorthwyydd Digwyddiadau’r Gymdeithas. Mae hi’n helpu i drefnu a hwyluso ein digwyddiadau ar-lein ac mewn person. Mae Menna yn gweithio’n agos gyda’r Pennaeth Ecwiti ac Ymgysylltu, i gyflwyno digwyddiadau ar gyfer y Gymrodoriaeth a chynulleidfaoedd allanol, tra hefyd yn cefnogi ein gwaith cyfathrebu.

Cwblhaodd Menna ei gradd israddedig ym Mhrifysgol Reading, cyn ennill MA mewn Newyddiaduraeth, y Cyfryngau a Chyfathrebu o Brifysgol Caerdydd, gan raddio yn 2022.

Dysgodd Menna, sydd yn siarad Cymraeg yn rhugl, Gymraeg drwy ei haddysg Gymraeg, ac mae hi’n awyddus i ddefnyddio’r iaith yn ei rôl.

Gweithiodd Menna i Sky ar eu cynllun ‘Sky Up Academy Studios on Tour’ yn Rhondda Cynon Taf, a chwblhaodd interniaeth yn seiliedig ar ddigwyddiadau ar safle Amgueddfa Cymru Sain Ffagan, cyn ymuno â ni ddiwedd 2023.

Yn ei hamser rhydd, mae Menna yn mwynhau dosbarthiadau dawnsio tap bob wythnos, ac arbrofi ar ei pheiriant gwnïo (gyda thipyn o lwyddiant).

Gallwch gysylltu â Menna yn mellis@lsw.wales.ac.uk. Ar gyfer ymholiadau sy’n gysylltiedig â digwyddiadau, anfonwch e-bost at events@lsw.wales.ac.uk.