Yr Athro Daniel Parsons

Dirprwy Is-Ganghellor Ymchwil ac Arloesi ac Athro Gwyddorau Daear, Prifysgol Loughborough

Mae’r Athro Parsons yn ddaearwyddonydd blaenllaw yn y byd sy’n arbenigo mewn systemau gwaddodol ac effeithiau’r newid hinsawdd. Mae ei ymchwil yn cwmpasu amgylcheddau afonol i foroedd dwfn, gan ganolbwyntio ar risg llifogydd, cynaliadwyedd, a newid i’r amgylchedd naturiol a achosir gan weithredoedd dynol (‘aflonyddwch anthropogenig’). Mae wedi arwain ymchwil wedi’i hariannu gwerth dros £50 miliwn, wedi siapio polisi cenedlaethol a rhyngwladol ar ymaddasu i’r newid hinsawdd, ac wedi hyrwyddo ymgysylltu â’r cyhoedd. Fel Dirprwy Is-Ganghellor dros Ymchwil ac Arloesi ym Mhrifysgol Loughborough, mae’n ysgogi cydweithio strategol ar draws Canolbarth Lloegr, yn hyrwyddo arloesi amgylcheddol, ac yn annog ymchwil ryngddisgyblaethol er budd cymdeithas.