Gwobr yr Athro Millicent Mackenzie am ddatblygiad EDI mewn Bywyd Academaidd neu Broffesiynol
Am y Wobr yr Athro Millicent Mackenzie
Mae’r wobr hon yn cydnabod tîm neu unigolyn sydd wedi mynd y tu hwnt i’r gofyn i hyrwyddo neu ymgorffori Ecwiti, Amrywiaeth a Chynhwysiant (EDI) o fewn eu hymchwil neu arloesi - gan ddangos ymrwymiad eithriadol a pharhaus i ddatblygu EDI y tu hwnt i ddisgwyliadau.
Bydd enillwyr y wobr hon yn dangos cyfraniadau sylweddol mewn un neu fwy o’r ffyrdd canlynol:
- Gwreiddio Ecwiti, Amrywiaeth a Chynhwysiant yn eu ffyrdd o weithio mewn ymchwil neu arloesedd, neu eirioli drostynt.
- Dangos ymrwymiad eithriadol a pharhaus i ddatblygu EDI y tu hwnt i ddisgwyliadau o fewn eu gweithle, cymuned etc – gan rannu’r hyn a gyflawnwyd drwy roi’r gwerthoedd hynny ar waith.
- Cyrhaeddiad ac effaith eu gwaith
- Allbynnau nodedig o’u gwaith
- Unrhyw gyflawniadau nodedig eraill ee arloesedd, prosiectau mawr, trosglwyddo gwybodaeth, dosbarthu eu gwaith, etc.
Ar agor i unigolion neu dimau.
Pwy oedd yr Athro Millicent Mackenzie a pham ei bod yn cael ei chysylltu â’n gwobr ‘Datblygiad EDI mewn Bywyd Academaidd neu Broffesiynol’
Etholfreintwraig ac addysgwraig arloesol oedd yr Athro Millicent MacKenzie a hi oedd y ‘fenyw gyntaf’ mewn sawl maes. Y fenyw gyntaf i ddod yn Athro yng Nghymru ac yn ddiweddarach y fenyw gyntaf yng Nghymru i sefyll ar gyfer y Senedd. Roedd yn aelod sefydlol o Gymdeithas Pleidlais i Fenywod Caerdydd oedd wedi ymroi i fynd i’r afael â thlodi. Roedd yn angerddol dros welliant addysgol a chymdeithasol a thros bleidlais i fenywod.
Aelodaeth o’r Pwyllgor Craffu
Bydd aelodau’r pwyllgor craffu yn cael eu cyhoeddi’n fuan