Medal Dillwyn ar gyfer Dyniaethau a Chelfyddydau
Am y Fedal Dillwyn ar gyfer Dyniaethau a Chelfyddydau
Noder: bydd y fedal hon yn cael ei dyfarnu nesaf yn 2027. Bydd enwebiadau’n agor ym mis Mawrth 2027.
Mae’r fedal hon yn dathlu cyfraniadau sylweddol i’r ddisgyblaeth Dyniaethau a Chelfyddydau gan unigolion gyrfa gynnar sy’n gweithio mewn ymchwil neu arloesi
Bydd enillwyr y fedal hon yn dangos cyfraniadau sylweddol mewn un neu fwy o’r ffyrdd canlynol:
- Cyfraniad sylweddol i’w disgyblaeth/maes gwaith (mewn perthynas â’u cam gyrfa)
- Cyrhaeddiad ac effaith eu gwaith y tu hwnt i gwmpas eu maes/disgyblaeth
- Allbynnau nodedig o’u gwaith
- Unrhyw gyflawniadau nodedig eraill ee arloesedd, prosiectau mawr, trosglwyddo gwybodaeth, dosbarthu eu gwaith, etc.
Ar agor i unigolion yn unig.
Rydym yn cydnabod y gall Ymchwilwyr Gyrfa Gynnar fod ar gamau gwahanol iawn o’u gyrfa. Byddwn yn ystyried enwebiadau gan ystod eang o bobl – ein diffiniad bras o Ymchwilydd Gyrfa Gynnar yw rhywun sydd fel arfer, pan fydd yr enwebiadau’n cau, â llai na deng mlynedd o brofiad mewn ymchwil neu waith proffesiynol perthnasol (neu gyfwerth â llawn amser). Bydd enwebiadau gan unigolion nad ydynt o fewn y cyfwng amser hwn, ond sydd wedi cymryd toriad gyrfa neu seibiant o’u hymchwilam unrhyw reswm yn cael eu hystyried hefyd.
Pwy oedd y teulu Dillwyn a pham eu bod yn cael eu cysylltu â’n ‘Medalau Gyrfa Gynnar’?
Roedd y teulu Dillwyn yn deulu enwog a gyflawnodd ragoriaeth eithriadol ar draws sawl maes gwahanol o weithgarwch yn y celfyddydau a’r gwyddorau drwy gydol y cenedlaethau. Yn ddisgynyddion i’r ymgyrchydd diddymu William Dillwyn a’i fab y botanegydd a’r AS Lewis Weston Dillwyn, roeddent yn byw yn Abertawe ym Mhenllergare ac yn ddiweddarach Neuadd Sgeti.
Roedd sawl aelod o’r teulu yn defnyddio ystâd Penllergare fel lleoliad ar gyfer eu hamrywiol ddiddordebau mewn gwyddoniaeth, seryddiaeth, gwleidyddiaeth, botaneg, ffotograffiaeth a dyngarwch.
Roedd teulu Lewis yn chwarae rôl amlwg ar draws sawl maes, gan gynnwys y menywod, oedd yn anghyffredin i’r cyfnod. Ystyrir mai Mary Dillwyn, ei ferch oedd ffotograffydd benywaidd cyntaf Cymru. Roedd ei fab, John yn ffotograffydd a botanegydd arloesol ac roedd merch John Thereza yn seryddwraig ac yn ffotograffydd arloesol mewn ffotograffiaeth wyddonol. Roedd brawd John, Lewis, yn ddiwydiannwr ac AS – ac roedd ei ferched hefyd yn nodedig – Amy Dillwyn, diwydiannwr benywaidd cynnar a nofelydd a Mary, gwyfynegydd a mynyddwraig frwd.
Dysgwch ragor am y teulu Dillwyn yn y Bywgraffiadur Cymreig.
Aelodaeth o’r Pwyllgor Craffu
Bydd aelodau’r pwyllgor craffu yn cael eu cyhoeddi’n fuan.
Canllawiau a ffurflenni enwebu
Enillwyr blaenorol
2024: Enillodd Dr Alix Beeston Fedal Dillwyn 2024. Mae Dr Beeston yn gweithio ar ymagweddau rhyngddisgyblaethol, ffeministaidd at lenyddiaeth, ffilm, a ffotograffiaeth.
2023: Enillodd Dr Rebecca Thomas Fedal Dillwyn 2023 am ei gwaith ymchwil i hanes gwleidyddol a diwylliannol yr Oesoedd Canol yng Nghymru.
2021: Dr Ben Guy am ei ymchwil ar achyddiaeth Cymru yn y Canol Oesoedd.
2020:Dr Gwennan Higham am ei ymchwil i ieithoedd lleiafrifol, amlddiwylliannedd a dinasyddiaeth.
2017: Dr Amanda Rogers am ei gwaith i’r celfyddydau perfformio, yn benodol y theatr.