Medal Gwen John ar gyfer Dyniaethau a Chelfyddydau
Am y Fedal Gwen John
Mae’r fedal hon yn dathlu cyfraniadau sylweddol i’r ddisgyblaeth Dyniaethau a Chelfyddydau gan unigolion penodol sy’n gweithio mewn ymchwil neu arloesi.
Bydd enillwyr y fedal hon yn dangos cyfraniadau sylweddol mewn un neu fwy o’r ffyrdd canlynol:
- Cyfraniad sylweddol i’w disgyblaeth/maes gwaith
- Cyrhaeddiad ac effaith eu gwaith y tu hwnt i gwmpas eu maes/disgyblaeth
- Allbynnau nodedig o’u gwaith
- Unrhyw gyflawniadau nodedig eraill ee arloesedd, prosiectau mawr, trosglwyddo gwybodaeth, dosbarthu eu gwaith, etc.
Ar agor i unigolion yn unig.
Bydd enillwyr yn unigolion sydd ar ganol neu’n ddiweddarach yn eu gyrfa – diffinnir fel rhywun sydd fel arfer, pan gaiff ei enwebu, â mwy na deng mlynedd o brofiad mewn ymchwil neu waith proffesiynol perthnasol. (10 mlynedd neu gyfwerth â 10 mlynedd llawn amser).
Pwy oedd Gwen John a pham ei bod yn cael ei chysylltu â’n ‘Medal ar gyfer Dyniaethau a Chelfyddydau’?
Astudiodd Gwen John gelf o 18 oed ymlaen, ac mae’n uchel iawn ei pharch fel artist a deithiodd Ewrop yn astudio a phaentio. Arddangosir ei gwaith yn yr Amgueddfa Genedlaethol yng Nghaerdydd a Tate Britain. Fe’i ganwyd yn Hwlffordd a’i magu yn Ninbych-y-pysgod. Astudiodd yn yr unig ysgol gelf yn y DU oedd yn derbyn myfyrwyr benywaidd ar y pryd, gan weithio ochr yn ochr â nifer o artistiaid adnabyddus eraill y cyfnod.
Aelodaeth o’r Pwyllgor Craffu
Bydd aelodau’r pwyllgor craffu yn cael eu cyhoeddi’n fuan.