Pwy sy’n gymwys i fod yn Gymrawd?

I fod yn gymwys i gael eu hethol, rhaid i enwebeion fodloni ein diffiniad o Gymrawd:

Cysylltiad â Chymru:
Rhaid i gymrodyr fod yn bobl sy’n byw yng Nghymru, yn bobl sy’n enedigol o Gymru sy’n byw yn rhywle arall, ac eraill â chysylltiad arbennig â Chymru;

Wedi rhagori’n broffesiynol yn eu maes:
Ym mhob achos rydym yn diffinio rhagoriaeth yn nhermau’r meini prawf cyffredinol canlynol:

• Cyflawniad proffesiynol rhagorol (ansawdd eich cyflawniadau a’ch cyfraniadau at ddysgu)
• Statws proffesiynol (cryfder eich enw da ymhlith eich cyfoedion)
• Cyfraniadau ehangach (eich effaith ar bobl, sefydliadau neu gymdeithas ehangach)

Mae hyn yn amrywio rhwng gwahanol ddisgyblaethau a meysydd cyflawniad. Ceir gwybodaeth fanylach yn ein canllawiau.

Os oes gennych chi unrhyw ymholiadau, cysylltwch â Swyddog y Gymrodoriaeth, Stanislava Sofrenić.