Mae llwyddiant a phwysigrwydd parhaus ein Cynllun Grantiau Ymchwil yn amlwg yn yr wyth prosiect newydd sydd wedi derbyn cyllid yn y rownd ymgeisio ddiweddaraf.

Eleni rydym yn dyfarnu grantiau sy’n bodloni unrhyw un o’r amodau canlynol:

• Astudiaethau Cymru
• Y Dyniaethau, y Celfyddydau a’r Gwyddorau Cymdeithasol
• Ymchwilydd Gyrfa Gynnar (unrhyw ddisgyblaeth) fel arweinydd prosiect

Fe wnaethom ddenu ceisiadau gan chwech o brifysgolion Cymru.

“Rydym wrth ein bodd gyda llwyddiant parhaus y Cynllun Grantiau,” meddai Dr Barbara Ibinarriaga Soltero, ein Rheolwr Rhaglen ar gyfer Datblygu Ymchwilwyr.

“Mae wedi dod yn rhan bwysig o dirwedd ymchwil Cymru, ac rydym yn dechrau gweld ei effaith o ran creu prosiectau ymchwil tymor hir llwyddiannus.

“Er enghraifft, mae ymchwilwyr ym Mhrifysgol Wrecsam a dderbyniodd un o’n grantiau y llynedd wedi defnyddio hynny i sicrhau grant o £15,000 oddi wrth Hyb Profiadau Niweidiol yn ystod Plentyndod Cymru ar gyfer eu prosiect ‘Police Peer Supervision to Support Wellbeing’.

“Dyma’n union pam y gwnaethom sefydlu ein cynllun grantiau, ac mae mor galonogol ei weld yn dechrau dwyn ffrwyth fel hyn.”

Yr wyth prosiect rydym wedi’u hariannu yn y rownd ddiweddaraf hon yw:

Empowering places: interdisciplinary approaches to community-focused education	Dr Tom Avery	Prifysgol Abertawe
Regenerative tourism in Bridgend through grassroots engagement	Dr Karen Davies	Prifysgol Metropolitan Caerdydd
Empowering young people in research	Dr Michaela James	Prifysgol Abertawe
Support for neurodivergent staff working in UK higher education	Dr Emma Harrison	Prifysgol Wrecsam
Community schools in Wales: conceptual understanding, current deployment, and future development	Lisa Formby	Prifysgol Wrecsam
Strengthening research collaboration and community in arts and humanities across Wales and Scotland	Professor Kirsti Bohata	Prifysgol Abertawe
Representation of older people in Welsh-language TV drama workshops	Dr Aelwyn Williams / Dr Elain Price	Swansea University
Citizen science in the community: co-production of a programme to support the engagement of people living in deprived areas to gain insight into physical inactivity and health inequalities	Dr Zsofia Szekeres	Prifysgol Metropolitan Caerdydd