Mae Dr Dehaghani yn arbenigwr blaenllaw ar fesurau diogelu ar gyfer pobl fregus yn y system cyfiawnder troseddol.

Mae ei chyfraniadau rhagorol i ymchwil ryngddisgyblaethol, yn ogystal â’i dylanwad ar bolisi ac ymarfer, yn cael eu paru gan arweinyddiaeth ymchwil ragorol a gwaith helaeth y tu hwnt i’w sefydliad, gan gynnwys fel cyd-sylfaenydd a chyd-gadeirydd y Rhwydwaith Ymchwil Bregusrwydd.

Roedd Dr Dehaghani yn boblogaidd iawn gydag arbenigwyr blaenllaw eraill ar draws y byd, o gam cynnar yn ei gyrfa,  ac mae hi wedi gwneud cyfraniad sylweddol at ddatblygu’r maes cyfiawnder troseddol, ac mae ei gwaith wedi newid y ffordd y mae pobl fregus dan amheuaeth fregus yn cael eu trin, gan gynnwys dylanwadu ar y Codau Ymarfer cenedlaethol i’r heddlu.

“Diolch i Gymdeithas Ddysgedig Cymru am y wobr wych hon, sy’n gydnabyddiaeth amserol o’m hymchwil, fy sgiliau arwain a’m heffaith y tu hwnt i’r byd academaidd.

“Rwy’n ddiolchgar iawn i fy ngydweithwyr a’m cydweithredwyrr, ffrindiau a theulu am fy ysbrydoli a’m cefnogi. Rwy’n gobeithio parhau i weithio i wella’r broses cyfiawnder troseddol i bobl fregus, a chefnogi ac annog eraill i gael effaith gadarnhaol yn y byd.”

Dr Roxanna Dehaghani

Mae tair medal Dillwyn y Gymdeithas yn dathlu Ysgolheictod Cymru ac yn cael eu dyfarnu i ymchwilwyr gyrfa cynnar gyda rhwng dwy a deng mlynedd o brofiad proffesiynol. Mae’r medalau hyn yn cael eu henwi er anrhydedd i’r teulu Dillwyn nodedig o Abertawe, a gafodd eu gwahaniaethu mewn sawl maes o weithgarwch deallusol yn y celfyddydau a gwyddoniaeth.