Mae’r Athro Power yn ymchwilydd addysg blaenllaw, gyda ffocws eang ar bolisi ac anghydraddoldeb.

Mae’n chwarae rôl bwysig yn cefnogi ymchwil addysgol ar draws Cymru. Mae Astudiaeth Aml-Garfan Addysg WISERD, dan gyfarwyddyd Power er 2012, yn fodd arloesol o gasglu profiadau a chanfyddiadau pobl ifanc ac yn cynnig labordy unigryw ar gyfer ymchwil addysg yng Nghymru.

Mae’n rhannu’r canfyddiadau mewn amrywiol ffyrdd hygyrch i fyfyrwyr ysgol, yn yr Eisteddfod ac i athrawon. Mae’r pecynnau arloesol o gardiau post â ffeithluniau wedi’u hyrwyddo gan ESRC fel enghraifft o ledaenu hygyrch.

Mae’r Athro Power yn siarad yn rheolaidd ar y llwyfan byd-eang ac yn aelod o nifer o baneli yn y DU a thramor. Mae wedi bod yn rhan o gynigion llwyddiannus am dros £10 miliwn o ddyfarniadau grant a bydd yn cyhoeddi dwy gyfrol eleni gyda Policy Press.

Wrth dderbyn y fedal, dywedodd yr Athro Power:

“Rwy’n ei theimlo’n anrhydedd mawr cael derbyn y Fedal hon. Rwyf i wedi bod yn lwcus iawn i gael cydweithwyr gwych dros y blynyddoedd, ac rwyf i’n ddiolchgar iawn i’r holl sefydliadau ac unigolion hynny sydd wedi cyllido a chyfranogi yn fy ymchwil.

“Hoffwn ddiolch ymlaen llaw i Gymdeithas Ddysgedig Cymru am gynnig llwyfan i arddangos ymchwil addysg. Mae datblygu cymuned ymchwil gynaliadwy a bywiog yn bwysig iawn i ddyfodol Cymru.”