Cronfa Bwrsariaeth YGC

Bydd ein bwrsariaethau yn rhoi cymorth hanfodol i Ymchwilwyr Gyrfa Gynnar (ECRs) na fyddent fel arall yn gallu mynychu cynadleddau i gyflwyno eu gwaith, adeiladu eu proffiliau academaidd, a thyfu eu rhwydweithiau proffesiynol. Yn yr hinsawdd ariannol sydd ohoni, nid yw llawer o ECRs yn gallu canfod cyllid ar gyfer hyn. Drwy roi cymorth i ECRs drwy’r gronfa hon byddwch yn helpu i gael gwared ar rwystrau i ymchwilwyr sy’n wynebu cyfyngiadau ariannol, gan eu galluogi i dderbyn cydnabyddiaeth a gwneud cynnydd yn eu gyrfaoedd.

Bydd eich cyfraniad yn helpu i gefnogi’r genhedlaeth nesaf o ymchwilwyr yng Nghymru ac yn cryfhau dyfodol ymchwil Cymru. 

Darllennwch flog Dr William Perry i weld sut y gwnaeth ein bwrsariaeth ECR ei helpu i roi prif anerchiad yng nghynhadledd llawr gwlad Rhwydwaith Ecoleg ac Esblygiad Cymru. Dyma enghraifft bwerus o’r gwahaniaeth y gall eich cymorth ei wneud.

Cliciwch yma i wneud rhodd i’r gronfa hon. Rydym yn anelu i godi o leiaf £3,000. Croesewir unrhyw swm. Bydd pobl sy’n cyfrannu dros £250 yn cael diweddariad personol ynghylch sut y cafodd eu cyfraniad ei ddefnyddio.

Ein Grŵp Cynghorol ar gyfer Datblygu Ymchwilwyr fydd yn penderfynu ar bolisi’r Gymdeithas ar gyfer dyfarnu bwrsariaethau ECR, wedi’i lywio gan flaenoriaethau strategol cyfredol y Gymdeithas. Bydd gwybodaeth i YGC ar sut i wneud cais am fwrsariaeth ar gael yn yr hydref. Cofrestrwch i dderbyn ein cylchlythyr YGC misol er mwyn dderbyn newyddion fwyaf diweddaraf am ein bwrsariaethau a chyfleoedd eraill.