Cynghrair yr Academïau Celtaidd

Y newyddion diweddaraf gan Gynghrair yr Academïau Celtaidd:

• Cynghrair Academïau Celtaidd yn taflu goleuni ar ddiwylliant ymchwil effeithiol14 Ionawr, 2025
• Dathlu cydweithio Celtaidd yn Nulyn26 Mawrth, 2024
• Datgloi ymreolaeth ariannol: Adroddiad Cynghrair Academïau Celtaidd25 Hydref, 2023
• Adolygiad Annibynnol o Fiwrocratiaeth Ymchwil: Ymateb Celtic Academies Alliance19 Hydref, 2021
• Academïau Cenedlaethol yr Alban, Cymru ac ynys Iwerddon yn ymuno i lansio Cynghrair yr Academïau Celtaidd25 Mawrth, 2021

---

Mae Cymru, Yr Alban ac Iwerddon wedi’u trwytho yn nhraddodiad addysgu a dysgu. Mae diwylliant addysgiadol a rennir yn parhau i fod yn elfen gref o’r berthynas, ac mae cydweithrediad dwyreiniol-orllewinol yn nodwedd amlwg o systemau academaidd ac ymchwil Cymru, Yr Alban ac Iwerddon.

Rydym yn credu bod cydweithrediad rhwng yr Academi Wyddelig Frenhinol, Cymdeithas Frenhinol Caeredin a Chymdeithas Ddysgedig Cymru yn gallu meithrin cydweithrediad gwell ar ein diddordebau ar y cyd, ac rydym yn bwriadu gweithio ar nifer o nodau cyffredin.

Amcanion y Gynghrair yw:

• darparu cyngor annibynnol ac arbenigol ar addysg uwch a materion ymchwil ac ar faterion allweddol cyffredin eraill;
• cefnogi’r datblygiad o lywodraeth fwy effeithiol o fewn y DU a rhwng y DU ac Iwerddon, yn enwedig yn y cyd-destun ar ôl Brexit.
• gweithio i sicrhau bod Llywodraeth y DU a’i chyrff yn cymryd i ystyriaeth anghenion ac amgylchiadau gwahanol y cenedlaethau datganoledig, yn cefnogi cyfathrebiad a chydweithrediad rhwng gwahanol lefelau o’r llywodraeth.

Mae’r Gynghrair wedi ysgrifennu cyflwyniadau ac ymatebion i fentrau ac ymgynghoriadau, ac wedi cynnal trafodaethau bord gron ar ymchwil a datblygiad yn y cenhedloedd datganoledig. Mae’r Gynghrair hefyd yn cynnal digwyddiadau ar y cyd, yn cynnwys arddangosfa o ymchwil y cenhedloedd Celtaidd, a chynhadledd ar ddiwylliant ymchwil ac arloesedd.