Yn ddiweddarach eleni, bydd Cymdeithas Ddysgedig Cymru yn lansio rhwydwaith cymorth cenedlaethol ar gyfer ymchwilwyr gyrfa gynnar. Rydym ni’n cynnig cyfle i chi gofrestru i dderbyn ein he-byst, fel y byddwch chi’n gwybod pryd byddwn ni’n cynnal ein cyfarfodydd ar-lein cyntaf.

Anelir y rhwydwaith hwn at unrhyw un sy’n cychwyn ar yrfa ym maes ymchwil neu’n cychwyn gweithio gydag ymchwilwyr. Mae’n debyg y bydd y rhan fwyaf o’r aelodau yn gweithio ym maes addysg uwch, ond bydd croeso i ymchwilwyr o’r sector cyhoeddus, y sector preifat a’r trydydd sector ymuno hefyd. Ni chodir tâl am ymuno, a bydd croeso i unrhyw un gofrestru. Yn gyfnewid am hynny, byddwn yn gofyn i aelodau gyfrannu at fywyd y rhwydwaith trwy gyfranogi mewn gweithgareddau a bod yn barod i gydweithredu ag eraill ledled Cymru.

Trwy gyfrwng y rhwydwaith, byddwn ni’n eich cynorthwyo chi i wneud y canlynol:

• Cyfranogi mewn syniadau creadigol ac ysbrydolgar sy’n deillio o’r ymchwil a’r arferion diweddaraf
• Cael profiadau a datblygu sgiliau a wnaiff eich cynorthwyo â’ch datblygiad a’ch proffil proffesiynol
• Datblygu rhwydweithiau cryf a chydweithredu ar draws disgyblaethau a sectorau academaidd
• Ymateb ar y cyd i heriau a chyfleoedd pwysig i Gymru

Ar gyfer y sawl sydd yn y sector AB, bydd y rhwydwaith yn cyfrannu at ymrwymiadau ymchwilwyr, eu rheolwyr a’u sefydliadau fel rhan o’r Concordat Datblygu Ymchwilwyr.

Oherwydd y sefyllfa yn ymwneud â Covid-19, nid ydym ni ar hyn o bryd yn gallu cynnal cyfarfodydd wyneb yn wyneb o’r rhwydwaith. Yn hytrach na hynny, byddwn yn cychwyn trwy drefnu cyfres o gyfarfodydd Zoom dros y misoedd nesaf.

Trowch at http://eepurl.com/gBBOm5 i gofrestru i gael eich cynnwys yn ein rhestr e-bostio. Byddwch chi hefyd yn gallu dewis derbyn e-byst ynghylch gweithgareddau eraill Cymdeithas Ddysgedig Cymru.