Mae Dr Luned Badder o Brifysgol Caerdydd wedi ennill y Gystadleuaeth Traethawd Tri Munud eleni, a gynhaliwyd yn yr Eisteddfod Genedlaethol mewn partneriaeth â’r Coleg Cymraeg Cenedlaethol. Teitl ei chyflwyniad oedd ‘Hyfforddi feirysau i gludo cemotherapi i ganser y pancreas’.
Roedd gan Gymdeithas Ddysgedig Cymru bresenoldeb cryf yn yr Eisteddfod Genedlaethol eleni yn Y Garreg Las, gyda Chymrodyr yn arwain darlithoedd a digwyddiadau drwy gydol yr wythnos, gan gynnwys ein Darlith Flynyddol yn yr Eisteddfod a’r Gystadleuaeth Traethawd Tri Munud.
